Mario Pillado vai ó mando dun equipo serio, responsable e traballador para acadar o goberno local que Burela merece
Burela, domingo 16 de abril. Hai meses que os nacionalistas fixeron público que Mario Pillado sería o seu candidato á alcaldía de Burela e agora presentan o equipo que o vai acompañar nesta tarefa.
Na segunda posición da candidatura sube á Marioneta Sandra Fernández Cillero. Unha burelá de nacemento e de sentimento que traballou no Sergas e ten un gran compromiso polo país a pola nosa veciñanza. En terceiro lugar aparece Roberto Bouza Orosa. Mestre no CEIP Virxe do Carme, Roberto ten unha ampla traxectoria no eido musical e cultural local e de sempre tivo un forte compromiso nacionalista. No 4 temos a María Antonia Oroza Fernández, traballadora do eido asistencial e cunha gran vinculación co tecido asociativo de carácter social dende fai moitos anos. En quinto lugar segue na Marioneta Victor Cabarcos Val, técnico de mantemento eólico este mozo representa unha xeración moi preparada e formada que precisa que se lle dea oportunidades. Na sexta posición incorpórase ó equipo de Mario Pillado Teresa Bermúdez de la Puente Campos, estudante de filoloxía achegada ó mundo do deporte de base.
Completan a candidatura as incorporacións de María Cao González no 8, Ivandro De Brito Soares De Carvalho no 9 e Andrés Quiroga Pérez no 13 xunto coa continuidade de Anxo Valle Ares no 7, Rosana Posada Expósito no 10, Senín Díaz Mon no 11 e Dori González Fraga no 12, xunto con José Mon Otero e Belen Quíntela Yáñez como suplentes.
Pillado convida ás burelás e burelaos á subirse á Marioneta para levar adiante un proxecto transformador para Burela
En verbas de Mario Pillado, “para min é un orgullo contar con este equipo tan serio, responsable e traballador e abraioume a predisposición que tiveron dende o comezo de subir comigo á Marioneta. Estamos preparados para asumir o goberno local e darlle á veciñanza o servizo que merece. Comezamos así o noso camiño cara o esperanzador futuro de Burela. Agardamos que moita mais xente se suba á Marioneta”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
