Rodríguez Moreda foi asesora e xerente da Organización de Productores Pesqueros de Lugo e directora xeral de Pesca, Acuicultura e Innovación Tecnolóxica da Consellería do Mar
Foz, 11 de abril de 2023. O candidato do PP á alcaldía de Foz, Javier Castiñeira, anunciou esta mañá que a avogada Mercedes Rodríguez (Foz, 1971) será a número dous da súa lista para as eleccións locais do próximo mes de maio. Castiñeira destaca que “o PP incorpora así unha peza fundamental” e di que é un verdadeiro honor ter na candidatura a unha persoa tan formada como Mercedes Rodríguez, cunha amplísima experiencia en xestión; é unha persoa de confianza”. O perfil da número dous da lista popular é unha garantía, di Castiñeira, de que, “no caso de gobernar, empezaremos a facelo dende o primeiro día, non como o bipartito (PSOE-BNG) que aínda hai pouco tempo se escusaba da falta de experiencia; esa inexperiencia non pode pagala o pobo”. Mercedes Rodríguez, pola súa parte, di que acepta o reto convencida de que “a opción popular é a mellor opción para Foz”, un concello no que cre que “é imprescindible un cambio no goberno municipal”
Castiñeira sinala: “Nós apostamos pola fiabilidade, polo traballo rigoroso dende o primeiro momento, pola experiencia; por iso incorporamos a Mercedes Rodríguez, licenciada en Dereito, avogada de profesión, que defendeu ao sector do mar durante moitísimos anos e dende diferentes eidos, primeiro dende a organización de produtores pesqueiros de Burela e despois dende a xestión administrativa na Xunta de Galicia”. Resalta “a súa experiencia e o seu coñecemento de Foz, así como a súa capacidade de servizo público”. Rodríguez “é unha incorporación sumamente importante; un valor para retomar a confianza dos nosos veciños”. Castiñeira indica que en próximas datas darán a coñecer “ás persoas que van estar na candidatura, co único fin de seguir estando ao servizo dos nosos veciños e poder facelo dende o goberno, como fixemos dende o ano 2011 ao 2018”.
O candidato popular á alcaldía insiste en que “Mercedes Rodríguez será unha peza fundamental para o novo goberno, un goberno con capacidade de traballo e de xestión, que non busque escusas ás primeiras de cambio, cando chegan os problemas”. Engade: “O ten demostrado durante moitos anos e o vai a facer nos próximos catro anos, dentro do PP de Foz, ao que leva afiliada moitos anos, e ao que sempre rendeu unha lealdade importante e con elo, tamén lealdade aos nosos veciños”.
Formación e experiencia de xestión
Mercedes Rodríguez Moreda está casada e ten unha filla. É licenciada en Dereito pola USC; premio extraordinario da licenciatura.
Dende 1995 exerce a avogacía por conta propia en Foz; de xuño de 1997 a outubro de 1999 compatibilizou o exercizo da avogacía coa asesoría xurídica da Organización de Productores Pesqueros de Lugo, da que foi directora-xerente de novembro de 1999 a decembro de 2016. Do 30 de decembro de 2016 ata o 26 de maio de 2022 foi directora xeral de Pesca, Acuicultura e Innovación Tecnolóxica, da Consellería do Mar. O 2 de xaneiro do 2023 reincorporouse ao seu despacho profesional.
Rodríguez Moreda é membro fundador do consellos consultivos rexionais das Aguas Occidentales del Noroeste e das Aguas Suroccidentales, así como do Consello Consultivo Regional de Larga Distancia. Ten tamén experiencia como profesora universitaria.
Mercedes Rodríguez figurou nunha lista do PP ao Parlamento de Galicia. Destaca a súa vinculación ao PP dende hai moitos anos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
