O encontro, centrado na importancia da conservación da biodiversidade, reunirá unha quincena de persoas investigadoras e expertas en divulgación de diferentes puntos do Estado
Lugo, 14 de abril de 2023. Medio Rural da Deputación de Lugo impulsa a terceira edición das Xornadas de Desenvolvemento Rural Ciencia na aldea, que se celebrarán do 28 ao 30 de abril no ecomuseo El País del Abeyeiro, en Negueira de Muñiz. Organizadas pola Asociación Corripa, coa colaboración da área provincial, preséntanse como unha nova oportunidade para poñer en valor a biodiversidade e os entornos rurais, a través das achegas dun quincena persoas investigadoras e expertas en divulgación científica de diferentes puntos do Estado.
A terceira edición das xornadas, que presentaron este mediodía a deputada Mónica Freire e o apicultor Alberto Uría, de El País del Abeyeiro, artéllase arredor de figuras pioneiras ou historicamente relevantes no estudo, conservación e divulgación da biodiversidade a nivel mundial como o cartógrafo Félix de Azara, pioneiro en documentar a biodiversidade de América do Sur; o científico Charles Darwin, que teorizou sobre a evolución das especies e a selección natural; o xeógrafo, naturista e explorador Alexander Von Humboldt, pioneiro do pensamento ecolóxico; o naturalista Carlos Linneo, que desenvolveu a nomenclatura científica de animais e plantas ou a entomóloga e ilustradora Maria Sybilla Merian.
As súas biografías e achegas protagonizarán diferentes ponencias ao longo das xornadas, que reflexionarán tamén sobre a importancia dos bosques para a conservación da biodiversidade, con conferencias sobre a situación e os retos de futuro destes espazos naturais e sobre a problemática dos lumes forestais.
O programa inclúe tamén mesas redondas sobre divulgación científica e comunicación de temáticas relacionadas co rural e a conservación medioambiental, así como unha xornada de portas abertas -o domingo 30- con paseos guiados polo Xardín de Polinizadores Fernando Fueyo, inaugurado nas xornadas do ano pasado, e polo nomeado como “Souto de Humboldt”, un bosque de castiñeiros centenarios na contorna do ecomuseo de El País del Abeyeiro que a Asociación Corripa está a poñer en valor como espazo de biodiversidade e memoria con ilustracións de David Despau.
A responsábel provincial destacou “a continuidade que desde a área de Medio Rural e a Asociación Corripa lle estamos dando a este encontro de carácter divulgativo que, co aval da perspectiva científica, demostra a importancia de conservar as nosas paisaxes e o noso patrimonio natural, algo que só é posible cun apoio real ás persoas que desenvolven os seus proxectos profesionais e vitais no medio rural”
Mónica Freire suliñou “a singularidade e creatividade do programa que conecta unha pequena aldea da montaña lucense co legado das figuras máis relevantes no campo da investigación e da divulgación da biodiversidade” e que “achegará moitas persoas á zona, participantes e ponentes, xenerando actividade para hoteis, restaurantes e empresas de servizos da comarca”.
As inscricións para participar poden realizarse na web www.asociacioncorripa.org ou no teléfono 900 26 43 26, a partir deste sábado 15 de abril ás 9:00 horas. A participación é gratuíta. Ofrécense 55 prazas.
Venres 28 de Abril: “Conservación de especies e retos futuros”
17:00 Inauguración das Xornadas
Mónica Freire Rancaño (Deputada de Medio Rural, do Mar e Mocidade da Deputación Provincial de Lugo)
Vanessa Paredes (Presidenta da Asociación Corripa)
Alberto Uría (Vicepresidente da Asociación Corripa)
17:15 A Asociación Corripa. Vanessa Paredes (Ambientóloga. Presidenta da Asociación Corripa)
17:45 A problemática dos lumes forestais
Serafín González Prieto (Investigador científico do CSIC. Presidente da Sociedade Galega de Historia Natural)
18:45 Situación dos bosques: presente e futuro
María Melero (WWF Adena. Programa Bosques)
19:45 Pausa Café
20:00 Rosalía de Castro: a súa terra e o seu pobo
Anxo Angueira (Filólogo, escritor e Profesor da Universidade de Vigo. Presidente da Fundación Rosalía de Castro)
21:30 Cea: Casa Sidrón – Pieiga (Negueira de Muñiz)
Sábado 29 de Abril: Pioneiros da Ciencia
09:30 Carlos Linneo e a nomenclatura científica
Félix Torres (Taxónomo e entomólogo. Universidade de Salamanca)
10:30 Maria Sybilla Merian: Unha ilustradora e naturista do século XVII
Xavier Sistach (Especialista en Historia Natural Antiga dos insectos)
11:30 Pausa Café
11:45 Mesa redonda: Comunicar O Rural
Sandra Sutherland (Informadora de RTVE. Xornalista de APIA)
Pedro Cáceres (Fundador “El Ágora Diario del Agua”)
Óscar Prada (Plataforma de Custodia do Territorio da Fundación Biodiversidade. Ministerio para a Transición Ecolóxica e o Reto Demográfico)
Marta Veiga (Xornalista. Comité de redacción da Revista Luzes)
Modera: Alberto Uría (Vicepresidente da Asociación Corripa)
13:00 Paseo guiado polo Xardín de Polinizadores Fernando Fueyo
José Carlos Otero (Entomólogo. Universidade de Santiago de Compostela), Félix Torres (Taxónomo e entomólogo. Universidade de Salamanca) e Alberto Uría (Apicultor)
14:15 Comida popular: Penadanogueira (Negueira de Muñiz)
15:30 Unha viaxe pola ciencia: Alexander Von Humboldt
José Carlos Otero (Entomólogo. Da Universidade de Santiago de Compostela)
16:30 O poder da pupila
Conchi Lillo (Neurobióloga. Universidade de Salamanca)
17:30 Charles Darwin: evolución da domesticación, o proceso que mudou a ecoloxía do mundo
Alex Richter-Boix (Biólogo, Doutor en Ecoloxía Evolutiva e divulgador científico)
18:30 Pausa Café
18:45 A Estación Biolóxica do Frío e o regreso dos naturistas españois a América. Un longo camiño tras Félix de Azara.
Javier Castroviejo Bolíbar (Presidente da Asociación Amigos de Doñana. Expresidente do Programa Home e Biosfera” (UNESCO). Ex-director da Estación Biolóxica de Doñana)
19:45 Mesa redonda: Divulgando Ciencia
Natalia Ruiz Zelmanovitch (Divulgadora científica do CSIC)
Conchi Lillo (Neurobióloga. Universidade de Salamanca)
Alex Richter-Boix (Biólogo e divulgador científico)
Manuel González (Astrónomo. Instituto de Astrofísica de Andalucía. IAA-CSIC).
Modera: Roberto Lozano (Fundación Osíxeno)
21:30 Cea: Casa Sidrón – Pieiga (Negueira de Muñiz)
23:30 Conversa entre amigos baixo as estrelas e queimada popular
Domingo 30 de Abril: Un bosque de coñecemento (Xornada de portas abertas)
10:00 Café de benvida
10:30 “O Souto de Humboldt”, un proxecto con raíces
Presentación do vídeo
Vanessa Paredes, Alberto Uría, Bernabé Moya e Félix Torres
11:00 Inauguración do “Souto de Humboldt”
Interveñen representantes públicos e David Despau (autor dos retratos)
11:30 Paseo guiado “Os castiñeiros seculares do Souto de Humboldt, un patrimonio botánico para a biodiversidade e a memoria”
Bernabé Moya (Botánico) e Floreal Uría (Natural de Penadanogueira)
12:30 Actuacións musicais:
Davide Salvado
Alonso e “Los Ojazos”
Natalia Ruiz e Manuel González
14:30 Comida Popular: Penadanogueira (Negueira de Muñiz)
17:00 Paseo guiado polo “Souto de Humboldt”.
Fé Álvarez (Ambientóloga e Xerente do GDR Montes e Vales Orientais), Vanessa Paredes e Alberto Uría
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
