A número 2 da lista, Raquel Rouco Iglesias, defende a Juanjo Fraga como “un candidato moi capaz” pola súa defensa dos intereses de Alfoz e dos seus veciños
Alfoz, 16 de abril de 2023. O Partido Popular de Alfoz presentou onte pola tarde, no restaurante O Frenazo, aos membros que formarán parte da súa candidatura para as vindeiras eleccións municipais encabezada polo empresario e enxeñeiro agrícola, Juanjo Fraga. A este acto asistiron representantes da dirección provincial do partido, entre eles, o vicepresidente, Francisco Conde, o coordinador xeral do partido, José Manuel Balseiro Ourol e alcaldes e voceiros próximos a zona.
O candidato encabeza a lista popular “con moita ilusión e compromiso” e co obxectivo de facer un proxecto de futuro para reconducir a xestión do concello que nos últimos anos perdeu moitos servicios ante a ineficiencia do goberno local. O alcaldable destaca que o PP de Alfoz concorre nas vindeiras eleccións do 28 de maio cun equipo que conta con xente con “moita experiencia, cualificada e implicada no Concello”. Ademáis resalta que “contamos con xente que a pesar de non compartir ideais políticos, si compartimos as inquietudes sobre o Concello de Alfoz”.
A número 2 da lista figura, Raquel Rouco Iglesias, defende a Fraga como cabeza de lista pola súa ampla capacidade de xestión. “É un candidato máis que capaz, sempre estivo defendendo os intereses de Alfoz e propoñendo accións para mellorar o Concello e a vida dos veciños”. En relación ao equipo de traballo que conformaron, Rouco explica que “somos unha candidatura cun equipo que conxieñamos moito desde o principio e que temos unha ilusión moi grande por traballar. Imos loitar por facer de Alfoz un lugar no que construír un proxecto de vida.”
Por outra banda, o alcaldable cre que “os afiliados merecen que poñamos todo o mellor de nós e traballar para que o partido sexa a forza maioritaria no concello”. Ademais engade que “sempre apostei por Alfoz como un lugar de residencia e como un lugar para impulsar proxectos laborales e persoais, despois de todo, temos que ser partícipes e traballar nunha mellora dos servizos para que a xente poida traballar, vivir e instalarse en Alfoz.
LISTA
1. Juan José Fraga Paz
2. Raquel Rouco Iglesias
3. Nerea Pena Vigo
4. Jessica García Fraga
5. José Juan Lorenzo Rubal
6. Andrea Fernández Rico
7. Rubén Fraga Goás
8. María Flor Pardo Rivera
9. Marco Vázquez López
10. Iván Fernández Pernas
11. Alberto Souto Franco
12. Ana María Martínez Rego
13. Fernando Rico Val
14. Sandra Vizoso Cora
15. Jesús Paz Pumares
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
