Na reunión constatouse “a falta dun auditorio e viuse a necesidade de dar solución ao Asilo de anciáns, no que hai unha parcela cunha gran potencialidade”
Foz, 22 de abril de 2023. O portavoz e candidato popular á alcaldía de Foz, Javier Castiñeira, xunto co seu equipo avanza no desenvolvemento do seu programa de encontros con distintos colectivos do municipio. A máis recente destas reunión foi con representantes da Asociación de Comerciantes, Industriais e Autónomos de Foz. Foi, en palabras de Castiñeira, ”unha reunión moi produtiva entre a candidatura do PP de Foz e os responsables da directiva da ACIA, na que falamos da situación actual do tecido económico e industrial focense, así como das potencialidades que ten o noso concello, para pensar un programa para os próximos catro anos”.
Castiñeira explica que “no PP entendemos que a relación coa ACIA é fundamental; así o foi nos anos de goberno do PP en Foz, nos que conseguimos transformar o que é a zona comercial, coa reforma das avenidas da Mariña e Álvaro Cunqueiro”. Lembra que “foron intervencións xeradoras de actividade e de riqueza, como é o proxecto do PP para mellorar o eixo turístico dende o porto ata A Rapadoira; é ambicioso”.
No transcurso do encontro púxose de manifesto a necesidade de solventar “a falta dun auditorio; viuse que hai que dar solución ao Asilo de anciáns, no que hai unha parcela cunha gran potencialidade”. Igualmente, coincidiron en que “é preciso tamén dar solución a solares importantes no centro urbano, como é o que hai diante da Casa da cultura”. Houbo coincidencia en que hai que buscar financiación e intentar dar pulo á economía focense.
Segundo indicou Castiñeira, despois da reunión, “resulta preciso mellorar servizos básicos, que afectan a imaxe da vila, como son a limpeza e a recollida de lixo ou o de alumeado público”. Hai que reformar as dúas entradas de Foz (por Vilaxoane e Marzán), que están integradas no núcleo urbano, pero carecen de infraestruturas e equipamentos que son necesarios.
Castiñeira di que a relación coa ACIA nos próximos catro anos ten que seguir sendo frutífera. Está convencido de que “é necesario coordinar mellor a parte de ocio e turismo durante todo o ano en Foz, que é moi activa, pero hai que evitar certa anarquía e falta de coordinación de actos”. Os populares consideran “que cambios como os que houbo na Festa do Chícaro son malos; temos que traballar no Entroido como Festa de Interese Turístico e na mellora da Festa Normanda”. Hai -destaca o portavoz popular- “que programar actividades de calidade, debidamente coordinadas, encamiñadas ao público que ten agora Foz, para atraer visitantes que buscan calidade, como o demostra o éxito da campaña de Semana Santa, da que debemos sacar moitas conclusións”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
