Burela, 10 de abril de 2023. O concelleiro de Turismo, Ramiro Fernández, fai unha valoración moi positiva da Semana Santa. As consultas na oficina de turismo medraron un 75% con respecto ao 2022 e as Xeorutas foron un éxito.
O edil burelés manifestou: “queremos facer un balance moi positivo do que foi a Semana Santa en Burela. Os datos que nos pasa a técnica desde a Oficina de Turismo son moi positivos. Temos que ter en conta que a porcentaxe de xente que foi pedir información alí medrou un 75% con respecto ao ano pasado, co que ese dato xa fala ás claras de que houbo moita afluencia de xente aquí en Burela e así o notaron os establecementos hostaleiros”.
Fernández Rey subliñou que “as rutas xeolóxicas que programamos para mércores e sábado foron un éxito, estiveron completas e incluso o sábado houbo que dobrar esa ruta debido á grande demanda que tivo”.
Para o concelleiro de Turismo “foi moi positiva a Semana Santa e alegrámonos especialmente pola hostalería e polo comercio, que serán os grandes beneficiados deste aumento de visitantes aquí en Burela. Desde a Concellería de Turismo seguiremos traballando desta maneira na que o estamos a facer, penso que os datos corroboran que se está a realizar un boi traballo. O barco museo tamén tivo moita xente estes días. Evidentemente o bo tempo acompañou e houbo unha lixeira tendencia de cambio con respecto á xente que nos visita, porque a maioría dos visitantes que recibimos esta Semana Santa eran xente de Galicia, que seguramente aproveitando ese bo tempo decidiron desprazarse á Mariña para disfrutar da zona”.
Ramiro Fernández engadiu que “agardemos que este impulso que estamos notando en Burela e en toda a comarca e este traballo que se está a facer desde a Mancomunidade con ese Plan de Sustentabilidade Turística dea os seus froitos en breve e axude a seguir afianzando e confirmando estes datos. Vendo estas cifras de cara ao verán somos moi optimistas e seguiremos traballando para facer promoción de Burela. Esperemos que o verán, si todo vai da maneira que ten que ir, sexa histórico para Burela e para a Mariña en xeral”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
