Ribadeo, 10 de abril de 2023. Acisa fai un balance moi positivo da Semana Santa, que rexistrou unha alta ocupación hoteleira.
A presidenta da Asociación de Comerciantes, Industriais, Servizos e Autónomos, Carmen Cruzado, declarou: “o balance que facemos desde Acisa desta Semana Santa é moi positivo. A ocupación hoteleira situouse de xoves a domingo entre o 95 e o 100%, un dato que é moi bo para Ribadeo. E o resto de días oscilou entre o 80 e o 85%”.
Cruzado Iglesias subliñou que “durante todos estes días puidemos ver as rúas e as terrazas ateigadas de xente, a praia das Catedrais esgotou os pases de visita ao areal durante tres días e o resto das xornadas quedaron poucas libres. O aparcamento municipal, do centro de Ribadeo, venres e sábado estivo cheo en varios momentos, o paseo entre Os Bloques e o Faro da Illa Pancha era unha marea constante de xente que aproveitaba a súa estadía aquí para disfrutar da paisaxe e para facer exercicio”.
A presidenta de Acisa contou que “Ribadeo estivo repleto de xente esta Semana Santa. Aínda hoxe é posible atoparse con moitos turistas, que aproveitan o festivo nas súas comunidades, algunhas delas do norte, para prolongar as súas vacacións entre nós. Ao igual que os peregrinos que son un goteo constante polo Camiño Norte”.
O xerente do colectivo empresarial ribadense, Jesús Pérez, sinalou que “comer e cear sen reserva foi practicamente imposible, aínda que hai que destacar que os nosos hostaleiros fixeron todo o que estivo nas súas mans para poder atender á grande afluencia de comensais que recibiron estes días. Non había mais que dar unha volta por Ribadeo para atoparse con xente por calquera recuncho, gozando do patrimonio cultural ou paisaxístico. E as ventas no comercio tamén estiveron animadas. O tempo acompañou, o que fixo que nos achegásemos á perfección”.
Pérez Prada engadiu: “facemos un balance moi positivo da Semana Santa de 2023, a primeira de auténtica normalidade tras a pandemia da covid. Agora xa estamos case coa vista posta no verán, que si vai ao mesmo ritmo que estes días que acabamos de pasar… será de récord en Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
