A Xunta de Goberno deulle o visto bo á adxudicación de obras en dúas estradas provinciais; a de Martín, en Baleira, e a que une Gontán con Ferreira do Valadouro, en Abadín
Lugo, 14 de abril de 2023. A Xunta de Goberno da Deputación de Lugo aprobou este venres dedicar por un importe de preto de 2M€ investimentos en 13 concellos, para continuar mellorando a mobilidade, tanto en estradas provinciais, como municipais, dotar de máis e mellores servizos públicos á veciñanza, e impulsar a promoción turística. Así o anunciou a voceira socialista do Goberno, Pilar García Porto, quen detallou os acordos adoptados na reunión celebrada esta semana.
Por unha banda, quedaron adxudicados dous proxectos en estradas provinciais ao seu paso polos concellos de Baleira e Abadín. No caso de Baleira, a Deputación actuará na estrada de Martín, a LU-P-5401, cun investimento que supera os 260.000€. As obras foron adxudicadas á empresa Obras e Saneamentos Galicia SL por un prazo de dous meses, e afectarán ao treito que vai dende o punto quilométrico 1,015 ata o 7,420, dando continuidade aos traballos xa acometidos pola Deputación do quilómetro 7 ó 10. Consistirán na limpeza de laterais, o drenaxe, a pavimentación con aglomerado en quente, e sinalización mediante marcas viais reflexivas brancas.
No caso de Abadín, quedou aprobada a adxudicación de obras de mellora na LU-P-0101, que conecta Gontán con Ferreira do Valadouro, cun investimento de máis de 335.000€. Nesta estrada a Deputación renovará cinco quilómetros desde o inicio da vía, e a empresa encargada dos traballos será Ovisa Pavimentos y Obras SLU, cun prazo de execución de menos de 2 meses. “Trátase dunha estrada que dá acceso a unha gran cantidade de servizos, como a área recreativa de Gontán e diferentes rutas de sendeirismo moi empregadas por residentes e visitantes”, explicou García Porto.
San Isidro Labrador e estrada de Ribadeo a Alto dos Pinos
Por outra banda, a Xunta de Goberno sacou adiante a licitación de dúas actuacións nos concellos Lugo e de Ribadeo. No caso da capital lucense, trátase da pavimentación da rúa San Isidro Labrador no barrio lucense da Piringalla, cun importe que supera os 163.000€. Unha actuación, financiada integramente pola institución provincial, froito dun convenio de colaboración co Concello.
O proxecto contempla a retirada do firme e da práctica totalidade das beirarrúas existentes; a substitución da rede de abastecemento, que é de fibrocemento, por unha rede de tubaxes de fundición dúctil; a reposición das marxes para o paso dos peóns con loseta hidráulica; a colocación dun novo bordo e dun novo sistema de desaugue de pluviais; a repavimentación da calzada con aglomerado en quente; e a sinalización, tanto horizontal como vertical.
Por outra banda, aprobouse a licitación do contrato para acometer obras de mellora na estrada LU-P-5202, que é a que vai dende Ribadeo por Vilaselán a Alto dos Pinos, cun investimento de 135.000€. Estes traballos consistirán no acondicionamento da vía con aglomerado en quente nos dous primeiros quilómetros da vía.
Dotacións municipais
A Xunta de Goberno de hoxe aprobou un acordo de colaboración entre a Deputación de Lugo e o Concello de Catroverde para o asfaltado de camiños e acceso aos núcleos de Rodinso e O Grandón; e nos de Marrondo e Arcos. Ademais, a actuación inclúe o acondiciomento de accesos en Serés, así como o formigonado dun camiño e a construcción dun depósito contra incendios en Barredo. A institución provincial achega unha partida de 115.000€.
Aprobado tamén un acordo co Concello de Guitiriz a través do que a Deputación financiará con 114.000€ a urbanización da Rúa Boa Veciña, “unha vía moi transitada na localidade, pois enlaza coa rúa Manuel María, punto de paso ó centro de saúde e ó instituto, e incluso para desprazarse ata o acceso á autovía”. A actuación inclúe a humanización integral da rúa e a renovación de beirarrúas.
A institución provincial aprobou investir 48.000€ no concello de Meira para a renovación e mellora do parque infantil Profesor Río Barxa, “un pulmón verde en pleno casco urbano e rodeado polo río Miño, que é moi empregado polos meiregos como espazo de lecer e que conta cun conxunto etnográfico de gran interese”, subliñou García Porto.
A Deputación colaborará tamén co Concello de Ribeira de Piquín. A Xunta de Goberno de hoxe aprobou unha aportación de medio millón de euros, distribuída en catro anualidades (do 2023 ó 2026), para manter o funcionamento do centro de día do municipio para persoas maiores.
O Goberno acordou así mesmo destinar 123.400€ ao Concello de Foz para colaborar na adquisición de catro vehículos que incorporará ao parque móbil municipal e dun novo escenario para a celebración de eventos e festas no municipio, e 72.500€ ó Concello de Barreiros para acometer conxuntamente as obras de instalación de xogos xuvenís no parque da parroquia de San Cosme.
Por outra banda, a Deputación colaborará un ano máis co festival Aturuxo de Bravos, en Ourol, nesta ocasión cunha achega de 20.000€.
Plan Único en Cospeito
Finalmente, a Xunta de Goberno deu o visto bo a solicitude do Concello de Cospeito para investir remanentes do Plan Único de Cooperación cos Concellos do ano 2022 en novas actuacións. En concreto, destinará preto de 11.000€ na reforma da área de xogos infantís de Roupar.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
