Coa mobilización tamén se quere apoiar a loita do persoal do metal polo seu convenio
Lugo, a 10 de abril de 2023. A federación de Industria da CIG ten convocada unha manifestación de delegados e delegadas para o próximo xoves 13 de abril en Lugo en defensa do dereito a negociar en Galiza as nosas condicións de traballo e na demanda de salarios e convenios dignos. A mobilización sairá ás 11:00 horas de diante do local sindical (Ronda da Muralla, 58) e rematará na Praza de Santo Domingo.
A escolla de Lugo para realizar a manifestación, explica o secretario nacional da CIG-Industria, Xoán Xosé Bouzas Aboi ‘Tupi’, quere significar tamén un apoio ás traballadoras e traballadores do sector do metal e do comercio do metal da provincia que están en loita por un convenio digno e un incremento económico xusto.
Tupi recalca a aposta da CIG pola negociación colectiva como ferramenta fundamental da clase obreira para mellorar as condicións de traballo, máis aínda no actual contexto de empobrecemento dos salarios a causa do elevado custe da vida. Neste senso, subliña que nos convenios nos que o sindicato nacionalista é hexemónico “se producen avances nas condicións salariais e nos dereitos laborais”, pondo como exemplo o convenio de siderometal da Coruña e Ourense.
O secretario nacional da CIG-Industria lanza un chamamento ás traballadoras e traballadoras de Lugo e ao persoal do metal de Pontevedra, que tamén está negociando o seu convenio, a intensificar a resposta ante a patronal porque “só cando hai mobilización e conflito se producen avances reais”.
A este respecto, explica que, fronte as miserentas propostas económicas trasladadas pola patronal de Lugo na mesa de negociación, a CIG non asumirá ningunha incremento que fique por debaixo do IPC real “como referencia para garantir o mantemento do poder adquisitivo”, xunto cunha cláusula de revisión salarial aplicada ano a ano e o pago dos atrasos dende xaneiro. “Non imos asumir esas novas fórmulas de revalorización das que se fala no marco do AENC en Madrid que distorsionan a revisión salarial e supoñen empobrecer a persoas traballadoras”.
Nesta liña, insisten que, ante a extensión da pobreza salarial, a CIG-Industria aposta pola mobilización para que os convenios sexan negociados en Galiza, e que as traballadoras e os traballadores teñan capacidade de incidir e decidir sobre o que se negocia e unha maior capacidade de resposta diante a patronal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
