Viveiro, 3 de marzo de 2023. O Concello de Viveiro propón un amplo programa de actividades para impulsar a igualdade real con motivo da celebración do 8 de marzo, Día Internacional da Muller.
A primeira cita será este domingo, día 5. O Teatro Pastor Díaz acolle, a partir das 19:00 horas, a actuación de Margarida Mariño que serve para pechar o ciclo de Concertos “Con Voz de Muller 8-M” que por segundo ano organiza a Deputación de Lugo.
O mércores día 8, o Concello de Viveiro súmase ás reivindicacións do Día Internacional da Muller apoiando á Manifestación que percorrerá as rúas de Ribadeo dende as 20:00 horas e facilitando autobuses para toda a veciñanza interesada en acudir.
“Reafirmamos o noso compromiso nunha loita pola igualdade entre homes e mulleres á que lle quedan aínda moitos pasos por dar. O obxectivo e o deber das institucións é ofrecer aos cidadáns unha sociedade máis xusta e mellor, e dende o Concello de Viveiro traballamos cada día para poder lograr que sexa unha realidade”, subliña a alcaldesa, María Loureiro.
Tralo acto do 8M, serán os alumnos de 5.º de Primaria dos Centros de Ensino de Viveiro os protagonistas do obradoiro “Radio en Igualdade” que se realizará no Teatro Pastor Díaz entre as 9:00 e as 14:00 horas.
Ademais, do 10 ao 29 deste mes de marzo, a Sala Multiusos do Concello acolle a exposición fotográfica “Eu muller, ti cómplice, elas loitadoras” de Aspanane.
Continuarán as propostas do Concello o mércores día 15 coa presentación oficial do Selo de Correos dedicado a Maruja Mallo dentro da serie “Mujeres en el Arte”.
Por outra banda, ata o día 18 a sala da Biblioteca Municipal manterá aberta a Exposición do VIII Concurso de debuxo escolar “Mamá Traballadora”, e tamén ese día remata a Exposición do Concurso de fotografía amateur “Mulleres e Traballos” que acollen os comercios adheridos ao Casco Histórico de Viveiro.
O compromiso na loita pola igualdade que impulsa o Concello de Viveiro mantense durante todo o ano, e como exemplo o obradoiro “Educando na boa Sexualidade” que se imparte ata abril entre o alumnado do IES de Viveiro, ou as actividades do Clube de Lectura “En Feminino” que chega ata maio e no que participa a actriz Estíbaliz Veiga.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
