Encontro difícil, con resultado axustado 1-2, ambos goles do Gran Capitán Lucho
Sábado 18 de marzo. Ás 17.30 horas desta tarde de sábado no Pavillón Ciutat de Castelló disputouse o Bisontes Castellón FS – Pescados Rubén Burela FS, partido da xornada 23 no que ambos equipos estiveron moi igualados pero que finalmente se levou o equipo mariñán cun resultado final 1-2.
Na primeira parte comeza apertando forte o equipo valenciano, cunha ocasión de Beto que se vai fóra e outra de David Señoret que detén Michal Kaluza. Vanse turnando as ocasións, un disparo de Lucho no minuto 9 tras un saque de esquina que detén o porteiro rival e posteriormente, no 10, outro paradón de Kaluza, que fixo un gran partido, tras un tiro de Titín. No minuto 12, Ramón Vargas encaixa o 1-0 nunha transición e un erro do Burela. A continuación o Pescados Rubén comeza a controlar o partido un pouco máis, creando ocasións para igualar o encontro e no minuto 15, nun saque rápido de estratexia, Lucho empata cun gol dende dentro da área tras un saque de esquina. Chega o descanso.
Na segunda parte o Burela domina un pouco máis o partido con balón pero mostrando pouca profundidade. Comeza cunha ocasión o Bisontes que envía a corner Kaluza e no minuto 3 do segundo tempo, de novo un grandísimo Lucho atopa o 1-2 tras un rexeite. O encontro mantense con poucas ocasións e bastante igualado. A falta de case tres minutos para o final o equipo de Manolín saca o porteiro-xogador e comeza a presionar buscando o empate. Con varias ocasións o Pescados Rubén defende con maestría a súa zona, cun porteirazo que salva varias ocasións, entre elas unha dobre parada no minuto 39 e un paradón dentro da área nos últimos segundos.
De novo os “pícaros” de David Rial acumulan outros 3 puntos asegurando a zona para os playoff e deixando a outros equipos a tensión de vivir os últimos partidos da tempada máis preto da liña vermella, contribuíndo a esas boas sensacións coas que hai que chegar á competición que decidirá o ascenso á Primeira Federación.
Ficha Técnica Bisontes Castellón FS – Pescados Rubén Burela FS
Bisontes Castellón FS: Marcos Ferreyra (P), Mauro, Beto, Titín, Ramón Vargas – cinco inicial -, Malawy, Gambín, Éric Castillo, Toni, Lorca, David Señoret (C), Carlos Gil (P).
Pescados Rubén Burela FS: M. Kaluza (P), Lucho (C), Isma, Rikelme, David Pazos, – cinco inicial -, Nito, Pitero, Alberto, Antón Arnejo, Eloy, Bruno (P).
Goles: Min.3 Ramón Vargas 1-0; min.15 Lucho 1-1; min.23 Lucho 1-2.
Equipo Arbitral: Xavier García Sánchez, Francisco Javier Marazuela Hernando, Cristian Grigore Calugar, Adriá Pla Merino.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
