Ribadeo, 13 de marzo de 2023. O Concello remata estes días os traballos de limpeza da senda costeira. Trátase dunha superficie de máis de 8 hectáreas. Estas tarefas supoñen un investimento de 64.000 euros. Ata un treito desa zona se achegaron os concelleiros de Medio Ambiente e Turismo, Jorge Díaz e Pablo Vizoso.
Díaz Freije explicou que “estanse a rematar uns traballos que empezaron o ano pasado na contorna do Cargadoiro, do Faro e nunha zona cerca do río de Vilaselán. Son labores de desbroce, de retirada de especies invasoras e de árbores mortas e de lixo, de limpeza de ribeiras e de plantación de árbores novas autóctonas ou adecuadas para ese terreo. Ían incluídos nunha subvención bianual polo que parte deses traballos empezáronse o ano pasado e agora estanse a rematar”.
O edil ribadense indicou que “dentro desta subvención, que nos veu concedida a través da Reserva da Biosfera, o orzamento son 64.000 euros e a zona de afección é de 8 hectáreas e media. Esta actuación ten algo moi atractivo, que é a restauración ambiental e a adecuación de sendas existentes. Aproveitamos esta subvención para reabrir de novo parte desta senda costeira tan fermosa que temos en Ribadeo”.
O concelleiro de Medio Ambiente contou que “son dous tramos diferentes: un máis pequeno en Piñeira, na zona da Areosa; e o outro é máis importante, na desembocadura do río de Vilaselán e máis onde están as dúas depuradoras, tanto a nova como a vella, e chega a entroncar coa entrada á praia de Rochas Brancas. En extensión é un pouco máis de quilómetro e medio en total, entre Piñeira e Vilaselán”.
Para Jorge Díaz “isto é unha demostración máis de que o Concello de Ribadeo segue apostando pola restauración ambiental porque o medio ambiente debe ser atractivo para que a xente se integre e cada día sexa máis responsable con el. Isto é unha vía máis para que a xente disfrute e os nenos e as nenas dean un paseo pola natureza e fagan deporte”.
Pablo Vizoso comentou que “esta actuación na senda costeira, que promove o Concello de Ribadeo e que conta cunha axuda moi importante da Reserva da Biosfera, é unha aposta clara e unha demostración do compromiso do Concello co medio ambiente. Trátase duns traballos de recuperación do noso litoral, que poñen en valor este entorno e este tramo entre O Cargadoiro e A Areosa, en Piñeira, para disfruta de toda a veciñanza e quen nos visita”.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
