A dirección provincial considera “viable gañar as eleccións en Meira” e para iso apoian unha “candidatura renovada, cun proxecto de futuro que, se recibe o apoio o 28 de maio, o demostrará nos próximos anos”
Meira, 5 de marzo de 2023. “Ilusión, esperanza, ganas de avanzar e poñer a Meira no lugar que lle corresponde como cabeceira de comarca” son as palabras coas que Óscar Fernández definiu o proxecto que encabeza en Meira polo Partido Popular. O alcaldable estivo arroupado este sábado durante o acto de presentación por Julio García Comesaña; Javier Vázquez Nodal, secretario xeral do PP lucense; José Manuel Balseiro, coordinador xeral e deputado autonómico; Javier Vázquez Prado, secretario de organización; senadores, deputados, alcaldes e candidatos populares noutros concellos; ademais de veciños e afiliados da localidade.
O popular expresou o seu “absoluto compromiso co concello e con toda a súa xente” e asegurou que “o noso proxecto vai collendo forma e forza cun equipo de persoas que porá todo o seu coñecemento e enerxía para cambiar as dinámicas do Concello de Meira, algo que será fundamental para o futuro da vila e dos nosos veciños e veciñas”. De feito, Óscar Fernández decidiu presentarse á alcaldía para cambiar “a realidade que vivimos no día a día que demostra que o actual goberno non ten proxecto de futuro: os empresarios vemos que non hai aposta decidida polas actividades económicas, os pais e nais temos que levar aos nosos fillos realizar actividades propias da idade a outros concellos, non dispoñemos de oferta deportiva ou cultural, tampouco podemos acceder a vivenda e, todo iso, a pesar de pagar unhas taxas e impostos desorbitados”.
O popular aposta por “coidar as nosas empresas das que nos podemos sentir orgullosos; tanto das fortes coma dos pequenos e grandes emprendedores”. Neste ámbito, subliñou “a importancia de dispor de solo industrial e actualizar a normativa urbanística que permita solucionar tamén o problema da escaseza de vivenda ou o elevado IBI”. Así mesmo, considera que “un pobo sen nenos é un pobo triste; así que coidémolos e garantamos o seu futuro dándolles oportunidades”. Fernández asegurou tamén durante a súa intervención a súa intención de apoiar “ás mulleres, nais e avoas porque son o motor da nosa terra”. E, como é “fillo do rural de corazón e formación” comprométese a atender e resolver os problemas propios de “cada recuncho do concello” ante “a falta de acción destes últimos anos”. Así mesmo, o candidato popular á alcaldía ten moi presente o patrimonio material e inmaterial de Meira de cara á súa potenciación.
Sobre a ampliación e reforma do centro de saúde, para o que a Xunta ten xa adxudicada a redacción do proxecto, Óscar Fernández manifestou que “dispoñer dunhas infraestruturas de calidade é vital para o concello e para o futuro mantemento dos servizos básicos sanitarios”.
Durante a súa intervención, Julio García Comesaña sinalou que “a Xunta xa ten un proxecto básico desa ampliación, que están a supervisar os técnicos”; e subliñou que “en todo este proceso de moverse para facer un gran investimento en Meira o papel do alcalde e do goberno local foi ningún: non se interesaron nin unha soa vez”. É máis, explicou que “foi o PP, dende a oposición, o que pediu inversións para Meira e o que se interesou continuamente polo proxecto”.
“Por iso quixen estar hoxe aquí con Óscar, porque teño claro que Meira merece moito máis do que ten agora e que el pode dalo. Óscar é empresario, enxeñeiro e sabe de proxectos e dos esforzos que hai que facer para movelos. Estou seguro de que se el fose alcalde, non quedaría de brazos cruzados ante un investimento deste calibre para Meira. E iso é o que necesita un Concello: alguén que lidere e que tire dos proxectos”, matizou.
ILUSIÓN POR UN PROXECTO DE FUTURO
A dirección provincial sinalou que “é viable gañar as eleccións municipais en Meira”. Explicaron que “a localidade sufriu un retroceso nos últimos anos, pero hai outra forma de facer política”. De feito, o Partido Popular, que gobernou moitos anos no municipio, presenta “unha candidatura renovada, cun proxecto de futuro que, se os veciños a apoian o 28 de maio, o demostrará nos vindeiros anos”. Os populares trasladáronlle a súa confianza a Óscar Fernández e remarcaron: “aspiramos a conseguir a alcaldía”.
O candidato do PP agradeceu o apoio de distintos membros do partido e “de todos os que formamos parte deste proxecto: os que fan, fixeron e farán moito traballo. O camiño comeza aquí e espero que a ilusión que me transmiten os veciños e veciñas llela poida devolver con feitos nos próximos anos”, concluíu.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
