O Grupo Provincial do PSdeG pedirá no Pleno que se celebra mañá martes na Deputación de Lugo que aumente o complemento autonómico para as pensións non contributivas polo menos nun 15%
Lugo, 27 de marzo de 2023. O Grupo Socialista da Deputación de Lugo pide ao Goberno de Alfonso Rueda que incremente o complemento autonómico das pensións non contributivas na mesma porcentaxe que o fixo o Executivo de Pedro Sánchez. Unhas prestacións que perciben 37.000 persoas na comunidade autónoma, algo máis de 4.400 na provincia de Lugo.
Por iso, defenderán no vindeiro Pleno ordinario da Deputación, que se celebra mañá martes, unha moción na que instan ao Goberno galego a incrementar o complemento autonómico para as pensións non contributivas, polo menos na mesma porcentaxe do 15%.
Así as cousas, critican o autobombo do presidente Alfonso Rueda cando adiantou un incremento dun 6% no complemento autonómico que a Xunta aporta ás pensións non contributivas, lembrando ademais que foi o PP “o que baleirou a caixa das pensións coa súa mala xestión no Goberno, xa que introducira un factor de sostibilidade que, dende o 2013, provocou a súa perda de poder adquisitivo”.
Os socialista advirten de que “o incremento do 6% é menos da metade do 15% acordado polo Goberno de España para as pensións no contributivas. Tendo en conta o incremento anunciado polo señor Rueda, a paga de 218 euros que a Xunta dará ós pensionistas rexistra unha suba real de aproximadamente 13€, unha cantidade, que dividida en catorce pagas, supón 92 céntimos máis ó mes. Unha cantidade que exemplifica ben o grao de preocupación dos gobernos do PP polos nosos pensionistas”.
Complemento creado polo Goberno de Pérez Touriño
Hai que lembrar que o complemento autonómico para as pensións non contributivas foi creado no ano 2008 polo Goberno progresista do Presidente Pérez Touriño, “que daquela estableceu unha paga única de 200€. Hoxe, quince anos despois, a maioría deles baixo gobernos do PP, a paga é de 218€. E dicir, que co Partido Popular o incremento total foi de 18 euros ó ano, o que supón unha suba dun 9% nun período de 12 anos, apenas un 0,75% cada ano.
Aumento gracias ao Goberno de Pedro Sánchez
Os socialistas subliñan que a suba das pensións nun 8,5% conforme ó IPC aprobada polo Goberno de Pedro Sánchez beneficia a 113.849 pensionistas lucenses, é dicir ó 35% da poboación total da provincia, que reciben unha media de 77€ máis ó mes. Un aumento que tardaría 34 anos en terse producido se as pensións seguisen aumentando “ó ritmo miserento do 0,25% que aplicaba o Partido Popular”, aseguran os socialistas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
