Os populares lamentan que, mentres tanto, PSdeG e BNG votasen en contra da Lei que permitiu convocar 20 prazas fixas por concurso de méritos no hospital mariñán
Burela, 25 de marzo de 2023. Os candidatos do Partido Popular ás alcaldías dos concellos da zona da Mariña mantiveron onte unha reunión de traballo co conselleiro de Sanidade, Julio García Comesaña, na que este deu conta do proxecto da fase final da reforma e ampliación do hospital comarcal que a Xunta ten xa rematado e presentado ao persoal do centro.
Os populares valoraron moi positivamente a contía do investimento, de ata 30 millóns de euros, que sumada ao custo das actuacións nas fases anteriores eleva ata os case 50 millóns de euros a aposta do goberno galego pola modernización da infraestrutura deste hospital.
García Comesaña explicoulles que esta fase final do Plan Director de Hospital abordará especialmente a ampliación dos espazos de urxencias, cirurxía maior ambulatoria ou o laboratorio; despois de que a fase anterior ampliase de xeito substancial as áreas de hospitalización, consultas externas ou hospital de día e de que as obras actualmente en marcha estean actuando sobre o servizo de radioloxía para a instalación dunha resonancia magnética fixa. Ademais, esta fase inclúe a construción dun novo edificio destinado de xeito principal á docencia e á formación sanitaria, o que representa unha aposta decidida polas posibilidades de futuro do centro.
Os alcaldes e candidatos mariñáns do PP consideraron que o anuncio amosa “quen ten o compromiso real coa sanidade pública” na comarca, contrastando a acción do PPdeG desde a Xunta coa actitude destrutiva de PSdeG e BNG centrada en alentar protestas e manifestacións sen presentar alternativas.
REFORZO DE PERSOAL
Os representantes municipais do PP valoraron tamén positivamente a convocatoria de 20 prazas no hospital comarcal a través do sistema de concurso de méritos para cubrir prazas de diversas especialidades, entre elas medicina interna, xinecoloxía, pediatría, cardioloxía, neuroloxía ou urxencias.
Estas prazas inclúense na oferta de máis de 400 prazas, aprobada este mesmo xoves no Consello da Xunta e, tal e como explicou o Presidente Rueda, derivada da Lei 2/2022 de medidas extraordinarias para a provisión de postos de difícil cobertura, aprobada o pasado outubro no Parlamento co voto en contra de BNG e PSdeG.
Esta lei incentiva a cobertura destas prazas ao ofrecer o maior nivel de estabilidade laboral, obtendo unha praza fixa en propiedade, cun sistema de acceso máis sinxelo e áxil: un concurso de méritos que non require exame de oposición e que se resolve nuns meses.
Os candidatos e candidatas populares da Mariña lamentaron a postura de PSdeG e BNG lembrando que, se por eles fora, non se podería realizar este proceso e cubrir esta praza. No mesmo sentido, criticaron a alcaldes e alcaldesas socialistas e nacionalistas da Mariña por encabezar protestas e reclamacións de máis persoal sanitario mentres o seu partido vota en contra das solucións.
Os populares consideran que este paso demostra o compromiso da Xunta de Galicia co mantemento dos servizos do hospital comarcal, tantas veces posto en dúbida por parte dos partidos que, curiosamente, son os que votaron en contra da lei que vai permitir agora reforzar o persoal do hospital da Mariña.
Unha postura partidista que só se explica desde o intento de sacar rédito electoral dos problemas de déficit de médicos de familia e pediatras que existen en toda España, ata o punto de intentar boicotear medidas innovadoras da Xunta como este concurso. “Na Mariña teremos novos especialistas no hospital co voto en contra dos partidos destes alcaldes e alcaldesas”, concluíron.
Lembraron tamén que este sistema de concurso de méritos, impulsado co voto en contra de PSdeG e BNG, xa permitiu cubrir nos últimos meses prazas nos centros de saúde de Viveiro, Ribadeo, Burela ou Cervo e que nesta nova convocatoria, ademais das prazas no hospital, permitirá cubrir prazas de medicina de familia e pediatría de atención primaria nos centros de saúde de Viveiro, Burela, Cervo, O Vicedo e Mondoñedo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
