O Valadouro, 21 de marzo, 2023. A Concellería de Cultura do Concello do Valadouro informa da inmimente e esperada celebración da edición XVII do Mercado de Primavera este sábado 25 de marzo e desglosa detalladamente o seu completo programa.
O Venres, 24 xa hai actos previos ao día principal. A partir das 21:00 horas no Salón de Actos da Casa da Cultura teremos o pregón inaugural a cargo de Susana López Montes, xornalista mariñá oriunda do val. Deseguido demostración de música e baile en zocas con A.C. Amado Lar O Valadouro e Concerto do dúo Caamaño&Ameixeiras, e dicir Sabela e Antía con os seus respectivos instrumentos, acordeón cromático e violin
O sábado, 25 de marzo, o día estelar; a partir das 10:00horas apertura ó público e ata as 19:00horas dos postos de venta do mercado ubicados na rúa Andrés López Palmeiro.
Desde as 11:00horas, os artesáns ubicados na praza de Santa María ensinarán os seus oficios enxebres: barro, cestos, zocas, fiadeira, ferro… e a esa mesma hora a batukada de Comparsa Os Fandangueiros realizará un pasacalle polas rúas de Ferreira.
A partir das 12:00horas, será a A.C. Amado Lar O Valadouro a encargada de realizar o pasacalle polas rúas do Mercado ata a praza onde nos deleitarán con varios bailes e pezas cantadas. Unha vez rematado a demostración de canto e baile tradicional será o intre nos que grandes e pequenos irán á pasarela da Praza para participar no emblemático Concurso de zocas decoradas e de indumentaria tradicional.
Chegado o ecuador da xornada, o grupo encargado da sesión vermú será Os Parentes de Sober.
Pola tarde ás 16:00horas , no aparcadoiro municipal (a carón da piscina municipal), habilitarase a zona infantil onde os nenos poderán dar paseos en cabalo e coñecer e ver os xogos tradicionais con XOTRAMU.
Desde as 16:30horas, na Praza de Santa María na zona do cantón, os xogos do Paporrubio recibirá coas mans abertas a todos os nenos e nenas que se acheguen e no que poderán participar nos distintos xogos populares. Ás 17:00 horas teatro de títeres, no aparcadoiro municipal, con Mircromina coa obra” RAIO THE LOUBICAN” mitade lobo mitade can. Cando o reloxio marque as 18:00, estrearase a obra de teatro para todos os públicos “AS PALABRAS PERDIDAS” con Inventi Teatro. Un xeito moi ameno de recuperar verbas e expresións algo perdidas do galego.
Paralelamente, tamén ás 18:00horas, ruxirán os motores e haberá novo Concurso de habilidades de conducción de tractor no aparcadoiro municipal a carón da piscina. E chega a hora da música vibrante nas rúas a cargo de Festicultores Troupe – Cultivadores de Festas e Mekanika Rolling Band co seu típico séquito de animados seguidores. Coa chegada do serán, a eso das 21:30horas (con entrada de balde) e na Praza de Santa María do Valadouro o grupo folk tradicional Treixadura dentro da xira “CAMIÑO LONGO” 2023. Logo das 23:30horas, será o turno de Anxo Lorenzo e a súa banda Ás 01:15 horas do 26 de marzo, unha nova edición do Zocanrol con o turno de Mileth. Despois será o momento da banda Orgasmatrón, aproximadamente ás 3:45. Pero aínda queda mercado a cargo do DJ Conxuro que poñerá o broche final a tanta e boa festa.
En resume, unha cita para non esquecer. Demostracións, concursos, música, comida, mercado, tapas da hosteleria de Ferreira e bon ambiente no corazón da Mariña. Valadouro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
