Píllara é un encontro que vincula mocidade, medio ambiente, arte e cultura. Na súa primeira edición xira arredor do Cambio Climático
Ribadeo, 29 de marzo, 2023. Perto de 400 persoas presenciaron no Auditorio Hernán Naval de Ribadeo a obra “Xuízo a unha vaca”, ao tempo que escolares dos centros ribadenses pasaban en pequenos grupos polo Forte de San Damián a facer unha visita especial que incluía unha sesión didáctica na instalación sonora “Óso da auga”, da artista vasca Teresa Jareño Querejeta.
A doutora en Ciencias do Mar e responsable da Unidade de Cultura Científica do CSIC de Galicia, Luísa Martínez Lorenzo abriu a primeira xornada de Píllara, acompañada polo actor Carlos Godoy “Rony”. Despois dos dous pases matinais da peza teatral “Xuízo a unha vaca”, estiveron presentando no serán o libro Que teñen que ver as vacas co cambio climático? na Casa do Viejo Pancho.
O martes 28 continuaron as visitas e sesións didácticas no Forte de San Damián. Namentres, no Auditorio a rapazada de secundaria achegábase de maneira moi especial ao Ártico. Da man do fotógrafo de natureza e xornalista Andoni Canela, puideron coñecer a dimensión que alí cobra o cambio climático, marabillarse coas imaxes e cos relatos das expedicións e experiencias no Ártico.
O mércores 29, Andoni Canela presentará en sesión matinal no Auditorio o seu filme Panteras con coloquio posterior. Proxección da que poderá todo o público gozar o domingo 2 de abril ás 20:00 h. no mesmo lugar.
O xoves chegarán a Píllara as científicas especialistas Diana Zúñiga e Nicolás Villacieros, que farán divulgación científica coa rapazada de 4º ESO e de BAC. Para todo o público estarán na Casa do Viejo Pancho, o venres ás 20:00 h.
A música virá o venres para escolares e o sábado para todo o público cos txalapartaris Oreka TX acompañados da súa banda e de 3 artistas convidadas de luxo: a artista Teresa Jareño, a excelente músico ribadense Irene Rodríguez e o magnífico percusionista Noè Rodrigo. Oreka TX farán un concerto especial con proxeccións do seu proxecto Nömadak e das súas experiencias coas txalapartas de xeo na xeografía saami de Laponia.
Cada unha destas propostas para todo o público están acompañadas dunhas sesións paralelas moi especiais para a xente miúda. Co propósito de animar e facilitarlles ás familas enteiras a conciliación e a conversa familar sobre o cambio climático, o centro de ocio Con Sentidiño preparou especificamente 4 sesións: “Pegada ecolóxica”, “Creación dun captador de partículas”, “O lixo como vehículo artístico” e “As instalacións artísticas do xogo”. Sesións nas que o público máis novo gozará á que o fai o público adulto na sala contigua.
Píllara é un proxecto do Concello de Ribadeo, que conta co apoio da Área de Mocidade da Deputación de Lugo e a colaboración dos 4 centros educativos da vila: CEIP Gregorio Sanz, Colexio Sagrado Corazón, IES Dionisio Gamallo e CIPF Porta da Auga. Unha produción de Miraquenvén, do artista Mano Panforreteiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
