Ribadeo, 3 de marzo, 2023. O BNG sempre levou á práctica o seu compromiso contra o lume e cos montes galegos. Desde o goberno municipal do Concello de Ribadeo, apoiado polo BNG, ben que se puxeron en práctica políticas preventivas contra o lume ao longo destes anos. E nesta ocasión repartíronse cincocentas árbores de especies frondosas entre trinta familias; vaise poder actuar sobre 63 parcelas e traballar sobre unhas oito hectáreas de superficie. Cumprimos; paseniño, pero cumprimos cos nosos compromisos. Para outros queda ter que andar corrixindo carteis por ocultar a financiación de obras, ou marear o peixe disimulando por que a nosa sanidade pública está a ser abandonada polo goberno da Xunta.
Cabe lembrar que, neste tema, a acción de goberno impulsada polo BNG de Ribadeo foi pioneira a nivel galego. A veciñanza de Ribadeo, e dos concellos da contorna, ben puido ver como, namentres algúns andaban a encirrar á veciñanza (para defender o seu posto e lavarlle a cara aos seus superiores), o goberno municipal de Ribadeo poñía un empeño singular na aplicación da lei 3/2007 de Prevención e Defensa contra os Incendios Forestais para as redes secundarias de franxas de xestión de biomasa. Ben deitamos da triste experiencia vivida polos concellos veciños do Eo-Navia en decembro de 2015. O lume non é só cousa do verán; hai que tomar medidas de prevención ao longo de todo o ano. Fomos exemplo para toda Galiza. E algúns foron exemplo de cinismo para a historia política de Ribadeo: non todo pode valer en política!
Con paciencia, e explicando debidamente a importancia de manter illadas as nosas casas e núcleos de poboación, as familias afectadas puideron acabar cumprindo coa lei. E para facilitarlles o labor, desde o Concello de Ribadeo facilitóuselles vexetación frondosa para suplir as especies pirófitas (acacias, eucaliptos ou pinos). Pretendemos adoptar medidas preventivas; queremos que se cumpra a lei pois é a mellor garantía de prevención do lume; pero queremos colaborar coa xente para levar a cabo estas políticas e facilitarlles aos veciños e veciñas de Ribadeo, que se ven nesta situación, o relevo das especies pirófitas proporcionándolles árbores frondosas. Tal e como xa fixera o Concello noutras ocasións, un ano máis, cun investimento duns 9000€, achegamos novos exemplares de frondosas para seren plantadas.
Esa é a maneira de traballar do BNG, nesta ocasión a través da acción do grupo de goberno do Concello de Ribadeo: obramos, actuamos; non nos dedicamos a plantar semente de discordia. Cando é preciso buscar alternativas para un novo centro de saúde, actuamos (namentres outros marean o peixe nas redes sociais). Cando é preciso facer fronte ao reto dun novo hospital asilo poñémonos mans á obra, non coma outros que non se atreven a demandar da Xunta que corrixa a inxustiza cometida con Ribadeo co noso Centro de Maiores. Cando é preciso defender a sanidade pública, alí estamos, apoiando a toda a veciñanza na súa demanda de máis persoal e medios (non coma outros, que no Parlamento galego votan contra as propostas de mellora da sanidade pública galega).
No vindeiro mandato municipal, a acción de goberno das nosas concelleiras e concelleiros, capitaneados por Pablo Vizoso Galdo, vai seguir por esa senda: defendo sempre á veciñanza, e reclamando para Ribadeo o que lle corresponde.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
