Fai un chamamento a participar na mobilización do sábado, día 11 de marzo, ante a Delegación do Goberno en A Coruña en defensa da pesca e contra o espolio eólico nas costas galegas
Santiago de Compostela, 8 de marzo, 2023. A deputada do BNG e portavoz de pesca e marisqueo, Rosana Pérez demandou o apoio do Parlamento galego para instar ao goberno do Estado a avaliar os efectos dos polígonos eólicos sobre os recursos mariños e un Real Decreto que respecte as competencia galegas e a súa decisión á hora de “autorizar ou denegar” as instalacións eólicas nas costas galegas.
A pesca galega actividade prioritaria en Galiza fronte ao espolio eólico
A proposición non de lei defendida pola nacionalista, recollía “a prohibición da instalación de parques ou polígonos para a produción de enerxía eléctrica mediante eólica mariña na costa de Galiza e o Cantábrico Noroeste e que o texto definitivo do Real Decreto dos POEM teñan en conta as competencias propias de Galiza e a actividade Pesqueira como “actividade prioritaria” cara a aprobación definitiva dos Planes de Ordenación del Espacio Marítimo, (POEM).
Rosa Pérez insistiu en que urxe “unha avaliación” do impacto dos polígonos de eólicos mariños sobre os “recursos pesqueiros e zonas de traballo das diferentes artes e segmentos da frota que operan no caladoiro do Cantábrico Noroeste e os efectos sobre a economía das comunidades pesqueiras do Cantábrico.
Urxe avaliar o impacto socioeconómico antes de implantar a eólica mariña
Dende o BNG, dixo, exiximos unha avaliación do impacto socioeconómico da implantación da eólica mariña en Galiza “antes de proceder á planificación do espazo mariño e, en todo caso, antes de permitir a implantación de eólicos mariños nas costas galegas”, remarcou a nacionalista.
Na defensa da propostas, a deputada tamén explicou que antes de seren aprobados os POEM, o 28 de febreiro, “a decisión xa estaba tomada; converter Galiza no centro da eólica mariña do Estado” e quen decidiu? preguntou, pois “un Goberno do PSOE e UP” que ten, ademais, a un “entusiasta colaborador no Goberno da Xunta de Galiza e no PP”. Ambos, dixo, están por un modelo á medida do “oligopolio enerxético e ao lado das empresas que levan décadas explotando os nosos recursos, a enerxía hidráulica, térmica, eólica terrestre”, e agora, “disfrazadas de verde”. Rosana Pérez insistiu en que Galiza é un dos territorios máis dependentes da pesca de toda Europa coa que agora queren rematar baixo supostos “beneficios ambientais, sociais ou de emprego” cando en realidade, as empresas do lobby eléctrico só buscan “seguir engordando os seus beneficios” aínda que sexa a costa unha actividade prioritaria en Galiza.
Oportunidade para os xoves galegos, “outra grande mentira”
Ademais, engadiu, pretenden vender os eólicos mariños como “a gran oportunidade para os xoves galegos” e de compensacións ao sector pesqueiro. “Unhas compensacións que resultan imposíbeis no caso das 87 zonas vedadas á pesca de fondo, e que son negadas de maneira sistemática ao sector marisqueiro e á frota artesanal, como aconteceu tras as riadas de decembro e xaneiro deste ano. Que lle pregunten aos naseiros de Pontesampaio, Arcade, Cesantes, de Redondela ou Vilaboa aumentándolle a veda da anguía, ou ao cerco galego despois de recortarlle o 95% a cota do xurelo. Sen embargo, agora anuncian que non haberá problemas para as axudas, “outra gran mentira”.
Para a deputada, estas axudas xa están contempladas para o sector pesqueiro pero non evitarán o afundimento de comarcas enteiras onde miles de pequenos negocios terán que pechar porque viven basicamente da pesca.
Nesta liña, sinalou que as Táboas imput-output da pesca e conserva galegas no 2019, encargadas pola Xunta de Galiza á USC, reflectiron unha produción no mar de 5.500 M€, aos que sumou 3.400 en exportacións, é dicir, “9.000 millóns de euros”.
O sector do mar: pesca, marisqueo, miticultura, piscicultura, conserva é a “cuarta actividade económica de Galiza”. Supón o 4,8 do PIB galego, unha facturación que ronda os 12.000 Millóns, 64.000 postos de traballo directos e 850 Millóns de euros anuais en salarios.
Pero o máis importante é que permite fixar poboación en toda a costa galega, implica un enorme número de recursos e servizos que na súa maior parte se producen e adquiren en Galiza, transportes, estaleiros, frigoríficos, efectos navais, servizos de I+D, maquinaria, servizos xurídicos, portuarios, etc…
A patronal eólica afirmaba esta fin de semana que en Galiza traballan 1.200 persoas en proxectos de eólica mariña e que acadarían os 8.000 até o ano 2030, 12.000 nas previsións máis optimistas. Díxenllelo antes, recalcou Rosana Pérez, fronte os datos das empresas eólicas temos, “30.911 postos de traballo na pesca e 64.000 en toda a cadea, directos!
Finalmente, a parlamentaria do BNG criticou que o presidente Rueda declare a súa intención de defender o sector pesqueiro cando a ministra para a Transición Ecolóxica, Teresa Ribera afirma que xa está todo falado e consensuado coa Xunta e o Goberno do Estado segundo confirmou nunha resposta á pregunta formulada polo deputado do BNG no Congreso, Néstor Rego. As zonas recollidas nos POEM “se consideran óptimas en base a la mejor información disponible: La información del MAPA y de las Comunidades Autónomas”. Quen minte aquí? preguntou
A deputada concluíu a súa intervención facendo un chamamento a participar na mobilización do sábado, día 11 ante a Delegación do Goberno en A Coruña en defensa da pesca e contra o espolio eólico nas costas galegas
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
