A subdelegada destacou que a conquista de dereitos e a mellora das condicións laborais da metade da poboación segue sendo un elemento fundamental para o Goberno e fixo referencia ás 7.760 mulleres paradas na provincia, o que representa un 57% do total
Lugo, 16 de marzo de 2023. A subdelegada do Goberno en Lugo, Isabel Rodríguez, reivindicou hoxe as políticas públicas feministas postas en marcha polo Goberno para potenciar o acceso ao mercado laboral das mulleres e a súa promoción profesional, impulsando medidas de conciliación e corresponsabilidade. “Porque a pesar dos avances, a conquista de dereitos e a mellora das condicións laborais da metade da poboación segue sendo un elemento fundamental da nosa loita. Para o Goberno de España garantir a igualdade das mulleres no emprego é unha cuestión prioritaria”, subliñou Isabel Rodríguez, quen fixo referencia ás 7.760 mulleres paradas na provincia, o que representa un 57% do total.
A subdelegada realizou estas declaracións na apertura da xornada “Actuacións da Inspección de Traballo en aras da Igualdade laboral”, enmarcada na programación de actividades organizadas dende a Subdelegación do Goberno con motivo do Día Internacional da Muller. Na sesión, dirixida a persoal e responsables municipais dos servizos sociais e dos centros de información da muller, participou a inspectora de Traballo Olalla Ferreiro.
Durante o acto, Isabel Rodríguez advertiu de varias desigualdades latentes a día de hoxe como que as mulleres cobraran de media en 2020 un 18,72% menos que os homes, que as mulleres concentren en España as tres cuartas partes do emprego a tempo parcial ou que catro de cada cinco persoas que piden unha excedencia por coidados familiares sexan mulleres.
Ante esta realidade, a subdelegada puxo en valor os pasos dados polo Goberno para garantir a igualdade entre homes e mulleres no mercado laboral. Así, salientou a subida do SMI nun 46,76% respecto a 2018, “un fito fundamental na corrección da brecha salarial, unha das desigualdades estruturais máis cronificadas do mercado laboral”. Tamén informou que grazas á reforma laboral a fenda de xénero descendeu en 2,7 puntos nos últimos 2 anos e os contratos indefinidos para as mulleres pasaron do 9 ao 41% do total.
Así mesmo, destacou outras medidas aprobadas polo Executivo Central como a ratificación do convenio 189 da OIT, que recoñece os dereitos laborais das traballadoras do fogar; a equiparación dos permisos de maternidade e paternidade para conseguir unha igualdade real á hora da contratación ou a recente lei de representatividade paritaria entre homes e mulleres nos centros de decisión que se aprobou a semana pasada no Consello de Ministros.
“É necesario seguir avanzando na aplicación de políticas que aborden a redistribución dos traballos, os tempos e a riqueza, e a iso está a contribuír o pleno desenvolvemento do III Plan Estratéxico para a Igualdade Efectiva de Mulleres e Homes 2022- 2025”, destacou Rodríguez, unha norma que recolle a axenda política en materia de igualdade para o próximos catro anos.
Para terminar, a subdelegada indicou que o Goberno continuará traballando nun marco legal que elimine as desigualdades de xénero, “porque para ser unha sociedade xusta e democrática temos o deber de aproveitar o 100% do talento feminino, rompendo os teitos de cristal, pero tamén os chans pegañentos”.
Actividade da Inspección de Traballo
A Inspectora de Traballo e Seguridade Social de Lugo Olalla Ferreiro referiuse na súa intervención aos controis que efectúa para o cumprimento da lexislación de igualdade laboral e a prevención de riscos laborais con perspectiva de xénero. Tamén incidiu nas distintas campañas relacionadas coa muller que planifica o Ministerio de Traballo e Economía Social e nas discriminacións que sofren as mulleres no acceso ao emprego, na conciliación da vida familiar e laboral, na negociación colectiva e na relación laboral.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
