“De pouco serve falar, enviar cartiñas ou poñerse detrás dunha pancarta se cando é preciso traballar e xestionar o goberno do BNG non o fai” e “desgraciadamente, repercute no noso pobo e en tódolos ribadenses”, di
Ribadeo, 13 de marzo de 2023. “O goberno do BNG retrasa a entrega dos terreos para a construción do novo centro de saúde por cálculos políticos”, sinala Dani Vega que considera que “debemos actuar rápido”.
O portavoz e candidato á alcaldía de Ribadeo sinala que “o grupo municipal popular, con toda a humildade, fixemos un bo traballo: xestionar un novo centro de saúde. Iso era o que pedía todo Ribadeo para incrementar a carteira de servizos sanitarios”.
Vega explica que “agora hai que facer todas as modificacións urbanísticas necesarias, que dependen do Concello, e a pregunta é: a que está esperando o goberno do BNG? Que está calculando?”. Para os populares “non é comprensible que se queden simplemente nese simple cálculo electoral retrasando unha decisión tan importante como é ter un novo centro de saúde en Ribadeo”.
O portavoz popular, tras preguntar varias veces á consellería de Sanidade se “o Concello de Ribadeo entregara os documentos necesarios que acrediten esa reforma urbanística”, lamenta que “o goberno do BNG aínda non o fixera. Parece estar moi nervioso e preocupado polo noso grupo municipal e pouco ocupado en incrementar a carteira de servizos sanitarios que queremos todos en Ribadeo”.
Vega explica que “se a día de hoxe non hai nada é porque o BNG está retrasando a súa decisión, a reforma urbanística para que se poda construír un novo centro de saúde. E con esa decisión retrasa servizos sanitarios fundamentais para Ribadeo”. Nese sentido, continúa “de pouco serve agarrarse a unha pancarta, pero cando tes que tomar unha decisión, non facer o traballo que corresponde”.
O popular sinala tamén que “co retraso da súa decisión tamén está a retrasar ubicar o 061 dentro do propio espazo de saúde. De pouco serve falar ou enviar cartiñas se cando toca traballar e xestionar, non se fai. As palabras están moi ben para o autobombo e a publicidade, pero o traballo honrado, sincero e de boa fe xestionando para o noso pobo non se ve por parte do BNG. E desgraciadamente repercute nos ribadenses”.
“O que lle pedimos é que actúe rápido, que faga a reforma urbanística necesaria para poder construír o novo centro de saúde e así ir dando pasos en firme”, conclúe Vega.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
