Burela, 29 de marzo, 2023. A candidata socialista deu a coñecer os 4 eixos do seu programa para Burela de cara ás municipais de maio.
1. Avanzaremos cara a unha Burela pensada para as persoas, que sexa atractiva para vivir e para traballar. Para iso é preciso a elaboración dun Plan de Mobilidade no que as persoas son o centro da planificación. A transformación urbana de BURELA para convertila nun espazo onde se viva mellor será a base do noso proxecto. Beirarrúas accesibles, amplas, sen obstáculos, vexetación controlada e ben situada que aproveite o ciclo da auga e máis zonas de esparexemento para os nosos veciños e veciñas. Rúas que potencien o comercio de proximidade e que prioricen a mobilidade activa dos veciños e veciñas.
2. Modernizaremos os edificios e instalacións municipais mellorándoos enerxéticamente. Debemos potenciar a instalación de enerxía solar. Continuaremos substituíndo puntos de luz por luminarias led que permitan un importante aforro enerxético e maior luminosidade. Faremos reformas integrais en zonas verdes como o Parque Rosalía de Castro e propoñeremos concursos de ideas para actuacións concretas como a de cubrir a Praza da Mariña cunha estrutura que permita o paso da luz; así poderemos pasar tempo nela nun día de choiva e posuiremos un lugar para dinamizar actividades e fomentar eventos sen ter que depender das inclemencias do tempo.
3. Faremos as xestións necesarias para por en valor o noso patrimonio cultural, xa que é a nosa herdanza, debemos facer actuacións para dar a coñecer a Burela Castrexa, así como o casco antigo da nosa vila, composto polos barrios de Burela de Cabo, Vila do Medio, Vilar e O Porto. É importante coñecer, protexer e transmitir os bens que temos.
4. Temos unha folla de ruta clara e un proxecto definido que abarca melloras a todos os niveis e en todas as áreas, no que a participación e a escoita dos cidadáns é fundamental. Debemos detectar necesidades e conseguir solucións para facilitarlle a vida aos nosos veciños e veciñas. A información e unha ampla comunicación cos organismos superiores será vital para xestionar as axudas necesarias que permitan facer realidade o proxecto da Burela que queremos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
