Burela, 8 de marzo de 2023. Esta mañá tivo lugar na Praza do Concello unha concentración a lectura do manifesto institucional a cargo da concelleira de Muller e Igualdade, Noelia Mª Ben Vázquez, para conmemorar o día internacional da muller.
O manifesto do Concello de Burela este ano 2023 fixo énfase na importancia da educación para acadar a igualdade, na necesidade de desmontar os prexuízos e estereotipos machistas e na necesidade de construír diferentes modelos para relacionarnos fomentando actitudes e condutas máis respectuosas e libres de violencia.
Na súa intervención Noelia Mª Ben lembrou que “o Concello de Burela, a través da súa Concellería de Muller e Igualdade e do CIM, está desenvolvendo accións de prevención dirixidas ás xeracións máis novas, que contribúan a corrixir as históricas desigualdades entre homes e mulleres, co firme convencemento de que o sistema educativo é o recurso de socialización con maior viabilidade para materializar e garantir unha educación inclusiva e equitativa e libre de violencias”. Foi por iso que durante este curso organizaron talleres de sensibilización e prevención da violencia de xénero: Ben quererl e Desconectarse da violencia: previndo a violencia no novo contexto dixital, nos que participou o alumnado de todos os centros educativos de Burela.
A concelleira burelesa tamén aludiu “á importancia de traballar cos colectivos máis vulnerables, pois en Burela existe un importante número de mulleres que se encontran en situacións de discriminación múltiple, por ser mulleres e ser dunha raza ou etnia concreta, por ter unha discapacidade, por ter unha determinada idade… Para elo, dende o ámbito local debemos seguir co firme compromiso de construír unha sociedade igualitaria, que garanta os dereitos de todas as persoas e que eses compromisos se plasmen no deseño e xestión de políticas locais que incorporen a perspectiva de xénero en todas as actividades”.
Noelia Mª Ben engadiu que “neste contexto tamén se enmarca o traballo que o Concello está a facer dende xuño de 2021, coa posta en funcionamento da Mesa de Coordinación Institucional contra a Violencia de Xénero, unha iniciativa que busca incrementar o grao e a calidade da coordinación entre todas as administracións públicas do concello de cara á prevención e abordaxe da violencia de xénero, e contribuír así a optimizar a accesibilidade das mulleres afectadas aos recursos a través da coordinación dos servizos de atención do noso ámbito municipal, buscando que sexa unha ferramenta operativa que consiga unha maior eficiencia en todas as actuacións”.
A concelleira de Muller e Igualdade resaltou tamén “a importancia da formación que impartiu o Concello ás/os profesionais que integran a Mesa, que recibiron un plan de formación especializado en violencia de xénero, así como o avanzado estado de preparación do proxecto do Protocolo Burela tecendo rede contra as violencias machistas, como un piar de cara á mellor atención das vítimas no noso municipio”.
Ben concluíu indicando que “aínda que no 8 de marzo reivindiquemos o dereito á igualdade con maior énfase, verdadeiramente todos os días son 8 de marzo. E por iso animamos a toda a cidadanía a seguir esforzándose cada un dos 365 días do ano, para que a igualdade entre mulleres e homes sexa real e efectiva e para que a sociedade sexa, en definitiva, máis xusta con todos e todas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
