Burela, 28 de marzo de 2023. A Corporación Municipal de Burela celebrará o último pleno ordinario deste mandato o vindeiro xoves, 30 de marzo. Na orde do día figuran asuntos coma un convenio urbanístico para mellorar a rúa Leandro Cucurny, un recoñecemento extraxudicial de crédito por importe de 75.000 euros e un plan de acción para minimizar as perdas de auga, algo no que Burela xa leva tempo traballando, segundo subliñou o alcalde, Alfredo Llano.
O rexedor contou que “estes xoves, día 30, imos ter o último pleno ordinario deste mandato, sesión que fundamentalmente é para tratar tres puntos incluídos na orde do día, onde tamén hai outros como mocións ou rogos e preguntas. Un dos asuntos é un convenio urbanístico que vamos intentar aprobar para mellorar moitísimo a rúa Leandro Cucurny, cun asfaltado e ampliación desa estrada. Levamos tamén un recoñecemento extraxudicial de crédito, porque hai facturas que chegan tarde correspondentes a servizos ou mercadorías que foron executados no ano anterior. Nesta ocasión é de pouco valor, uns 75.000 euros”.
Llano explicou que “ademais vamos aprobar un plan de acción para minimizar as perdas de auga na rede municipal. Isto é algo que agora mesmo é unha cuestión transversal en todos os concellos de Galicia, máis que nada para que a auga na súa totalidade poida ser aproveitada. En Burela xa se está acometendo este plan de acción desde hai moito tempo porque consiste en buscar as maneiras de evitar que se perda unha gota de auga: non pode haber perdas na canalización nin fugas nin grandes consumos. Trátase de telo todo moi controlado para que realmente a efectividade do abastecemento sexa ao cen por cen. En Burela xa estamos acometendo desde hai tempo unha serie de actuacións como ter 7 zonas moi concretas nas que, a través dunha aplicación e dunha montaxe que se fixo con diversos aparellos para detectar fugas, en canto se detecta unha inmediatamente se transmite a un ordenador central que avisa e despois corríxese da forma máis rápida posible. Ademais en Burela están practicamente todas as tubaxes de distribución de auga en perfecto estado, pero hai algunhas que hai que mirar e tratar de substituír por outras mellores; e quedan moi poucas, uns 500 metros, de fibrocemento que se van cambiar inmediatamente. Hai que procurar que non se perda nin unha gota de auga, que estea todo perfectamente controlado, sobre todo pensando en que no futuro o tema da auga pode ser unha preocupación constante. Entón aquí, no concello de Burela, a distribución da auga potable xa está funcionando cunha efectividade moi próxima ao cen por cen”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
