Barreiros, 1 de marzo de 2023. O Concello de Barreiros encherá de cor as árbores e demais mobiliario urbano da súa praza para conmemorar o 8 de marzo, día internacional das mulleres.
A iniciativa promovida desde a administración local consistirá en “vestir” unha das árbores situada na Praza do Concello e parte dos enseres urbanos con pezas tecidas principalmente polas mulleres barreirenses que, de xeito interxeracional, colaborarán entre si para lograr o obxectivo común de embelecer e humanizar os espazos públicos.
A concelleira de igualdade, Montse Porteiro, explica que “esta actividades está enmarcada dentro do programa + Igualdade Barreiros e pretende facer das nosas prazas e espazos públicos lugares máis cálidos e acolledores, enchelos de vida e ao mesmo tempo conmemorar este día poñendo no centro ás mulleres”. Segundo explica Porteiro, a idea que se tenta transmitir é que as mulleres somos quen de, a través de xestos como tecer a man pequenas pezas cheas de cor, coidar e apreciar os nosos espazos públicos; ao igual que coidamos e transmitimos amor ás persoas; a través do colaboracionismo, a empatía e o compañeirismo “logramos facer algo grande con pequenos xestos, transformando o mundo desde o noso pobo”.
Este movemento artístico, chamado bombardeo de fíos ou “yarn bombing”, é unha forma de arte urbano que se remonta ao século XIX coma un xeito de resistencia feminina contra a revolución industrial que foi relegando as producións artesanais de bordado ou tecido, asociándoas ao traballo doméstico e quitándolle por iso o seu valor nun mundo que devaluaba ás mulleres. Co rexurdir do movemento feminista, a partir dos anos 70, mulleres pioneiras na como Magda Sayeg ou Judy Chicago introducen estas prácticas nun desexo de reivindicar a creatividade feminina, levando aos espazos públicos procedementos que estaban relegados ao ámbito doméstico.
A alcaldesa de Barreiros, Ana Ermida, incide na importancia de reivindicar ese espíritu loitador caracteriza ás mulleres e que nos leva a crear en común, “sumando esforzos para multiplicar resultados, e así faremos o vindeiro 8 de marzo na praza do concello, trala lectura do manifesto institucional ás 12:30 horas.” A alcaldesa sinala que con este tipo de actos pretenden “iniciar un proxecto que simboliza a posibilidade de converter en realidades os nosos soños”.
Para rematar o mes adicado ás mulleres, o sábado 1 de abril ás 19 horas, representarase no Centro Sociocultural a obra de teatro “El virus de la violencia”, escrita e dirixida por Marina Wainer, a cargo da compañía de teatro arxentina “El Vacío Fértil”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
