O Ministerio para a Transición Ecolóxica acaba de abrir unha liña de axudas con 40M€ para proxectos empresariais enfocados a xerar emprego verde e de calidade en zonas afectadas polo cese de actividade das centrais
Xermade, 23 de marzo de 2023. A subdelegada do Goberno en Lugo, Isabel Rodríguez, confirmou hoxe en Xermade o impulso do Goberno de Pedro Sánchez aos concellos da provincia que están inmersos no proceso de transición xusta e que se exemplifica na axuda de 403.000 euros que o Ministerio para a Transición Ecolóxica e o Reto Demográfico acaba de conceder ao Concello de Xermade para rehabilitar integramente a antiga casa reitoral e convertela no futuro Centro Internacional da Tornaría do municipio. Este investimento enmárcase na convocatoria de axudas que o Instituto para a Transición Xusta vén de resolver e que teñen como fin financiar proxectos en zonas afectadas polo peche das centrais térmicas.
Isabel Rodríguez visitou a localidade, acompañada do alcalde, Roberto García; a vicerreitora da Universidade da Coruña e a arquitecta do proxecto, Amparo Casares e Luz Paz Agras; e de torneiros de madeira da zona, para supervisar os traballos que se van a financiar con cargo a este plan estatal. Deste xeito, a subdelegada informou que se acondicionará o edificio, situado no núcleo de Xermade, para crear un centro que sirva como plataforma para a exposición e divulgación deste oficio tradicional, ao tempo que se utiliza como sala multiusos, moi demandado pola veciñanza, para albergar conferencias, xornadas, cursos ou presentación de diferentes tipos de actividades. Ademais, na parcela habilitarase un pequeno aparcamento de vehículos e bicicletas, e contémplase a plantación dun bosque con árbores autóctonas.
“Demostramos, unha vez máis, o compromiso deste Goberno polo rural e a loita contra o despoboamento, achegando infraestruturas e servizos fundamentais aos veciños e veciñas que viven nestas localidades, dando oportunidades reais de desenvolvemento e de emprego aos concellos que afrontan o cese de actividade das centrais térmicas. Seguiremos dando pasos en firme cun obxectivo claro, dinamizar economicamente esta comarca da provincia”, subliñou a subdelegada.
Isabel Rodríguez felicitou ao rexedor pola consecución desta axuda coa que o Concello materializará unha iniciativa na que ten postos moitos esforzos, xa que no 2021 adquiriu a casa reitoral e no ano 2022 asinou un convenio de colaboración coa Universidade da Coruña para a posta en marcha do proxecto.
“Grazas a este importante investimento do Goberno dámoslle unha segunda vida ao patrimonio arquitectónico do municipio, rehabilitando un edificio que consolidará a Xermade como referente da tornaría da madeira, un vínculo moi arraigado nesta zona da Terra Chá, que permitirá visibilizar e poñer en valor o traballo dos torneiros e torneiras, creando sinerxías a través dun espazo para a produción, investigación e divulgación”, destacou Rodríguez, quen tamén incidiu en que se potenciará o sector forestal, do que a provincia de Lugo é líder en produción e exportación.
Redistribución do edificio
O Centro Internacional da Tornaría contará cun taller de torno na planta baixa, unha zona de exposición e actividade ligada á madeira na planta alta, un ascensor e aseos adaptados para persoas con mobilidade reducida. Igualmente, o edificio será a sede do tradicional “Encontro Internacional de Torneiros de Madeira” que se celebra dende hai 22 anos e que reúne a centos de profesionais de dentro e fora de España.
O proxecto de rehabilitación contempla unha redistribución do edificio para acondicionalo para diferentes usos, unha mellora construtiva e da eficiencia enerxética, a través da impermeabilización e illamento térmico da cuberta e cerramentos, con materiais locais; a disposición de novas carpinterías con mellores prestacións térmicas; un novo sistema de drenaxe; novas instalacións de electricidade, iluminación, fontanería ou saneamento, entre outros traballos.
Así mesmo, dotarase dun sistema de aerotermia VRV, unha instalación de recuperación de calor de alta eficiencia, complementado coa instalación de placas solares no faldón sur da edificación. Por último, o centro contará con equipamento informático como ordenadores, pantallas e videocámaras.
40 millóns para proxectos empresariais
Isabel Rodríguez trasladoulle ao alcalde de Xermade a oportunidade da vindeira convocatoria de 40 millóns de euros que o Ministerio acaba de abrir para proxectos empresariais enfocados a xerar emprego verde e de calidade en zonas afectadas tamén polo peche de centrais térmicas. O Goberno dispón nas Pontes dunha Oficina de Transición Xusta para asesorar na presentación das solicitudes e acompañar na tramitación das mesmas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
