A piscina olímpica municipal de Cervo acollerá un bautismo de mergullo este sábado

A actividade está promovida polo Concello de Cervo e a Escola de Mergullo C.A.S. Costa Lugo

Cervo, 30 de marzo, 2023. O Concello de Cervo, a través da delegación de Deportes e en colaboración coa Escola de Mergullo Centro de Actividades Subacuáticas Costa Lugo, organiza unha nova xornada de bautismo de mergullo na Piscina Olímpica de Lieiro.

A actividade será este sábado 1 de abril entre as 10:30 e as 13:30 horas.

O edil de Deportes, David Rodríguez, recorda “que a piscina municipal é única na provincia de Lugo polas súas características e ofrece tódalas prestacións para levar a cabo unha actividade deste tipo que permitirá aos participantes realizar unha primeira toma de contacto con este deporte acuático”.

Os interesados poden anotarse chamando ao teléfono 609.42.32.10, ou enviando un correo a info@buceocostalugo.es.