A Mariña, 21 de marzo de 2023. A Mancomunidade de Concellos da Mariña Lucense inicia o proceso para a súa adhesión ao SICTED – Sistema de Calidad Turística en Destino – e para a súa implantación. Faino ao abeiro do Plan de Sostibilidade Turística, cofinanciado pola propia Mancomunidade coa colaboración da Deputación de Lugo, a Xunta de Galicia e a Secretaría de Estado de Turismo.
O presidente da Mancomunidade, Fran Cajoto, subliña que “o PTS na Mariña Lucense persigue potenciar o turismo en todas as vertentes da sostibilidade: económicas, socioculturais e medio ambientais, e así garantir o desenvolvemento dun modelo sostible e rendible para un destino con visión a longo prazo. O SICTED é unha ferramenta axeitada para colaborar na consecución deste obxectivo, pois permite aglutinar ao conxunto da oferta turística do destino e traballar en beneficio da calidade dos servizos”.
E explica que “o SICTED, dependente da Secretaria de Estado de Turismo, xurde da necesidade de dar unha solución para xestionar a calidade nos destinos turísticos, tendo en conta que un mesmo turista é atendido por profesionais de distintos oficios e que debe percibir un nivel de atención equilibrado. Este sistema, que aporta un enfoque coordinado de xestión dun destino turístico, foi pioneiro no ámbito internacional nos anos 2000. Coa súa adhesión, A Mariña Lucense será o terceiro destino da provincia de Lugo que se integra nesta marca que continúa sumando melloras nos destinos turísticos de España”.
Cajoto Caserío indica que “a través da implantación do SICTED a Mancomunidade de Concellos da Mariña Lucense contará cunha canle de comunicación e coordinación formal coas empresas do sector turístico a partir da posta en marcha da Mesa de Calidade, un espazo de encontro e colaboración público-privado, onde se traballará conxuntamente para mellorar a calidade da oferta e a satisfacción dos visitantes”.
Outros obxectivos da Mancomunidade a través do SICTED son axudar a introducir ferramentas de xestión nas empresas obxecto de mellora da calidade; impulsar accións integradas a longo prazo para reforzar os negocios; mellorar a coordinación e o traballo en equipo entre as partes interesadas, a fin de alcanzar unha conciencia global do destino; sensibilizar á comunidade empresarial sobre a necesidade de desenvolver unha cultura de mellora continua; identificar proxectos para mellorar a calidade xeral; analizar os niveis de percepción da calidade dos usuarios / visitantes; agregar valor aos esforzos das empresas, mellorando a calidade; e introducir gradualmente a variable ambiental e social na xestión das empresas.
O presidente da Mancomunidade conta que “nesta primeira fase de implantación e durante o ano 2023 abordarase a inclusión de servizos ou oficios tradicionalmente turísticos relacionados coas oficinas de turismo, guías, museos, aloxamento, restauración e turismo activo, para en próximas anualidades continuar incluíndo outros recursos e actividades así como aqueles oficios que interactúan directamente co turista sen chegar a ser tradicionalmente turísticos: comercio, taxis, etc”.
Fran Cajoto explica que “os axentes que se adhiran comezarán un proceso de avaliación continua para a mellora da calidade totalmente gratuito para eles, pois os costes son asumidos a cargo do PST. Esta primeira fase implica traballar un pouco mais para coñecer e implantar as ferramentas que van permitir esa mellora, a modo de resumo, realizando 4 seminarios de formación con 2 asistencias técnicas colectivas e 2 asistencias individuais. No caso das empresas con Q de Calidade, estas convalidan o SICTED de forma directa. En seguintes anualidades a dedicación vese reducida respecto ao primeiro ano e, o que é mais importante, trátase dunha oportunidade para poñer en marcha o punto de encontro do sector turístico da Mariña”.
Dende a Mancomunidade convocan e animan ás oficinas de turismo, guías, museos, aloxamentos, empresas de restauración e turismo activo do destino a asistir á sesión de presentación do SICTED o vindeiro martes, 28 de marzo, ás 10:30 horas no salón de actos do CENIMA en Foz, onde se explicará en detalle que é o SICTED, que implica, e as súas vantaxes, para que podan así valorar a súa adhesión e con ela a creación entre todos dunha canle de comunicación público – privada do sector turístico na Mariña Lucense.
Agradecen que as persoas interesadas comuniquen a súa asistencia no teléfono 659 293 663 ou no correo info.turismo@amarinalucense.gal, onde tamén é posible resolver calquera dúbida ou aclaración.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
