O Deputado de Recursos Sostibles, Roberto Fernández Rico, participou este domingo na clausura da 39ª edición da Mostra Exposición de Muimenta (MOEXMU) e na entrega de premios dos diferentes concursos que se celebraron esta fin de semana no recinto feiral Manuel Vila da localidade. Fernández Rico felicitou á organización polo éxito de convocatoria que demostrou un ano máis a cita, coa que a institución provincial colaborou cunha aportación de 8.000€ e a cesión de dúas xatas da Granxa Gayoso Castro, dentro da súa aposta por apoiar a actividade do sector primario como piar económico da provincia, que contribúe a xerar riqueza e emprego.
