Foz, 31 de marzo de 2023. A concelleira de Facenda en Foz, Inés López Couto, pídelle ao voceiro municipal do PP “menos mentiras e máis respecto” polas declaracións de Castiñeira sobre o pago de subvencións a asociacións.
Inés López explica que “no pleno de onte, xoves 30 de marzo, aprobouse (cos votos favorables do PSdG e do BNG) un suplemento de crédito por importe de 245.400 euros. Este suplemento inclúe varias necesidades e entre elas algo máis de 60.000 euros para subvencións de asociacións do concello de Foz. Estas subvencións, correspondentes ao exercicio 2021, levan algo máis de 6 meses de retraso na tramitación e non dous anos, como indica o señor Castiñeira, xa que o prazo para xustificalas rematou o 30 de xuño de 2022. E no caso das axudas de transporte correspóndense ao curso 2021-2022, que tamén finalizou o 30 de xuño”.
A edil de Facenda engade que “resulta de todo incrible que a oposición invente cantidades e conceptos que os técnicos lle explicaron no pleno, pero que parece que non lles interesa entender” e aclara que “en ningún caso o Concello pode adebedar 244.000 euros en subvencións a asociacións xa que no seu orzamento non hai semellante importe”.
“Non vamos consentir que se use o populismo, inventando calquera cousa con tal de saír á palestra. Pedimos máis respecto e menos mentiras, a oposición está para fiscalizar e non para inventar. Nós continuaremos traballando para mellorar todo aquilo que debe ser mellorado”, remata López Couto.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
