Segue esta fin de semana en Remourelle o Plan de Formación Rural do Concello de Ribadeo cun obradoiro de poda de froiteiras

Ribadeo, 18 de febreiro de 2023. Segue esta fin de semana o Plan de Formación Rural do Concello de Ribadeo cun obradoiro de poda de froiteiras que se desenvolve na Escola de Remourelle en horario de mañá e de tarde.

Neste curso están a participar 20 persoas. Xunta a elas estiveron esta mañá os concelleiros de Economía e Igualdade, Pablo Vizoso e Mónica Freire.

O Plan de Formación Rural, que daba comezo a pasada fin de semana en Cinxe, seguirá o 4 de marzo na Escola de Couxela cun curso sobre mantemento de motoserras de 10 a 14 horas.

O 11 de marzo de 10 a 14 horas e de 16 a 19 horas a Escola de Vilaselán acollerá  un obradoiro sobre elaboración de pan.

Na Escola de Vilaframil será impartido o 18 de marzo un curso sobre primeiros auxilios. Será de 10 a 14 horas.

E o 25 de marzo desenvolverase un curso de inserto de froiteiras na Escola de Cedofeita en horario de 10:30 a 13:30 horas e de 15 a 18 horas.

Para os vindeiros obradoiros aínda queda algunha praza libre. As persoas interesadas poden anotarse no 982 129 889.