RadioVoz estará presente este venres, no XV Campionato de Baristas que se está a celebrar no IES de Foz

Foz, 9 de febreiro de 2023. RadioVoz Lugo, en emisión para toda a provincia, estará un ano máis presente no IES de Foz onde se celebra estes días o XV Campionato Internacional de Baristas no que participan escolas de hostalería de Galicia, Asturias, País Vasco, Castela e León e Madrid.

Con Félix Jorquera, director e presentador do programa Voces de Lugo e da Mariña, falarán mañá de 12 a 14 horas o director do IES de Foz, Nicolás Asensio, ademais dalgúns dos protagonistas dos campionatos de baristas e de cata de cafés que se desenvolven desde onte e ata mañá no centro focense.