Ribadeo, 28 de febreiro de 2023. Os pasos de peóns de Ribadeo súmanse ao Día Internacional da muller. Para iso, a concelleira de Igualdade, Mónica Freire, anuncia que están a ser pintados estes días en varios pasos de peóns os nomes de 37 mulleres pioneiras en diferentes ámbitos co obxecto de visibilizar o traballo na historia, moitas veces esquecido, das mulleres e reivindicar a igualdade.
Mónica Freire subliña que “con esta iniciativa queremos dar visibilidade a unha selección de 38 mulleres que destacaron en diferentes ámbitos, desde a ciencia ou a pintura ata a loita pola igualdade de dereitos, e que representan ás moitas mulleres esquecidas ao longo da historia”.
A edil ribadense explica que “xunto ao nome de cada unha das protagonistas aparece unha breve recensión biográfica para que a cidadanía coñeza a relevancia que estas mulleres tiveron na nosa historia polas súas iniciativas pioneiras nos seus respectivos campos”.
Freire Rancaño engade que “impulsamos esta acción de concienciación para visibilizar que, ELAS, non se deixaron amedrentar, abriron camiño rompendo con estereotipos e conseguiron destacar, a pesar das trabas impostas pola sociedade”.
1.-Maruxa Mallo
Viveiro (1902-1995) Pintora surrealista galega de recoñecemento internacional.
2.-Mª Victoria Moreno
Valencia de Alcántara, Cáceres (1941-2005) Profesora, conferenciante, tradutora e escritora.
3.-Ánxela Ruiz Robles
Villamanín, León (1895-1975) Mestra, pedagoga e inventora. Precursora do libro electrónico.
4.-Concepción Arenal
Ferrol (1820-1893) Xurista, escritora e xornalista .Traballou pola igualdade das mulleres.
5.-Ánxeles Alvariño
Serantes (1916-2005). Bióloga, investigadora e pioneira da oceanografía.
6.-Ernestina Otero
Redondela (1890-1956) Mestra e pedagoga galega.
7-Mª Josefa Wonenburger Planells
Montrove, Oleiros (1927-2014) Matemática e investigadora. Destacou en xeometría alxebraica.
8.-Emilia Pardo Bazán
A Coruña (1851-1921) Escritora, xornalista, editora , catedrática , crítica literaria, tradutora, e conferenciante.
9.-Olimpia Valencia
Baltar (1898- 1987) Foi a primeira médica galega.
10.-Filomena Dato
Ourense (1856- 1926) Escritora, poeta, oradora e feminista galega.
11.-Isabel Zendal
Agrela, A Coruña. Enfermeira galega. Participou na expedición que levou a vacina da varíola a América.
12.-Rosalía de Castro
Santiago de Compostela (1837–1885) Poeta e novelista galega do Romanticismo do século XIX.
13.-Antonia Ferrín
Ourense (1914-2009) Matemática, profesora e astrónoma galega.
14.-María Casares
A Coruña (1922-1996) Actriz galega de cine e teatro de sona mundial que amadriña os premios de teatro galego.
15.-Luz Pozo Garza
Ribadeo, (1922 -2020) Escritora, docente, poeta e crítica literaria. Primeira galega en ser proposta ao Nobel.
16.-María Barbeito Cerviño
A Coruña (1880- 1970) Mestra, pedagoga, tradutora, escritora e divulgadora .
17.-Isabel Barreto
Pontevedra (1567- 1612) Navegante galega e gobernadora. Primeira muller co cargo de almirante.
18.-Elisa Patiño
Pontevedra (1890 -1919) Aviadora galega. Primeira muller en pilotar un avión en Galicia
19.-María Vinyals
Soutomaior (1875- década de 1940) Escritora, sufraxista e activista social galega .
20.-Exeria
Gallaecia ( século IV) Peregrina e escritora. Autora do primeiro libro de viaxes escrito por unha galega.
21.-María Luz Morales
A Coruña (1889-1980). Xornalista, escritora, crítica teatral e asesora de tradución de guión para a produtora Paramount.
22.-Manuela Barreiro
Viveiro (1877–1953) Farmacéutica. Primeira muller licenciada pola Universidade de Santiago de Compostela.
23.-Rita Fernández Queimadelos
A Cañiza (1911-2008) Foi a primeira arquitecta nada en Galicia.
24.-Xela Arias
Sarria (1962–2003) Escritora, editora, tradutora, e profesora de literatura.
25.-Sor Pilar de León
Cádiz ( 1911.-2001) Irmá da Congregación “Hijas de la Caridad”. Impartiu clases de música no Colexio Sagrado Corazón, de Ribadeo
26.-Ernestina Mansilla Jiménez
(¿? -1925) Filla adoptiva de Ribadeo. Filántropa, Creou un colexio para orfos e fixo doazóns ao Hospital Asilo
27.-Amadora Suárez Couto
Ribadeo (1888- 1984) Interprete e compositora. Comprometida coa vida social e cultural ribadense.
28.-Antía Cal
La Habana (1923-2022) Educadora. Precursora da escola do século XXI en Galiza.
29.-Luisa Villalta
A Coruña (1957 -2004). Escritora, tradutora , filóloga e violinista galega.
30.-Elena Colmeiro
Costela-Silleda (1932-2021). Ceramista de prestixio internacional.
31.-Dorotea Barcena
Oviedo (1944-2016) Dramaturga feminista e primeira muller directora do Centro Dramático Galego.
32.-Lolita Díaz Valiño
A Coruña (1905-1963) Pintora e profesora. Pioneira da ilustración galega. Académica da Real Academia Galega de Belas Artes
33.-María del Carmen Corredoira
A Coruña (1893 -1970) Pintora e académica da Real Academia Galega de Belas Artes.
34.-Amada García Rodríguez
Mugardos (1909 – 1938) Militante comunista, loitadora en favor dos dereitos das mulleres, da liberdade e a xustiza.
35.-Sofia Casanova
Culleredo 1862- 1958). Xornalista. Autora de poesía e teatro. Cronista de guerra.
36.-Concepción Pérez Iglesias
Santiago de Compostela (1881-1939) Mestra e primeira alcaldesa dun concello galego.
37.-Corona González
Vilaño, Laracha ( 1875 – 1972) Filla adoptiva de Ribadeo . Filántropa, fotógrafa e xornalista.
38.-Áurea Rodríguez
Muntían- Cartelle (1897-?) Primeira gaiteira documentada da historia, fundadora e directora do grupo “Os Maravillas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
