O portavoz popular en Foz, Javier Castiñeira, resalta que a Xunta, nos peores anos da crise económica e cun gran esforzo orzamentario, investiu 100 M€ e puxo en servizo dous tramos da vía de altas prestacións da Costa Norte: a variante de Ortigueira e o tramo de Celeiro-San Cibrao, ambas cun investimento que rolda os 50 M€, 100 en total
Foz, 7 de febreiro de 2023. O Goberno presidido polo socialista Pedro Sánchez ten claramente demostrado o seu desinterese pola provincia de Lugo en xeral e, sinaladamente, por A Mariña. O abandono no que a Administración central ten a esta comarca resulta evidente nas distintas áreas de xestión; é patente tanto no campo industrial como no das infraestruturas. A visita a Foz do secretario xeral do PSdeG-PSOE, Valentín Formoso, para un paripé de reclamación ao Goberno da Autovía da Mariña é unha demostración do abafo co que os socialistas galegos viven a proximidade das citas electorais e un exercicio de intolerable cinismo político por quen ten sobradamente probado que dá prioridade aos intereses de Pedro Sánchez fronte aos da Mariña. Así o entende o portavoz popular en Foz, Javier Castiñeira, que está convencido de que nas próximas semanas os socialistas protagonizarán máis escenas como a de hoxe en Foz.
Castiñeira di: “É de lamentar que o Goberno de España, coa complicidade dos socialistas galegos, non teña realizado avances nin comprometido sequera investimentos para o que é o treito estatal, entre San Cibrao e Barreiros, o que se corresponde coa A-74, a Autovía da Mariña”. Engade: “Esa autovía, que é a verdadeira alternativa á N-642, afectada polo socavón, non ten nin un só quilómetro construído, nin en execución, nin licitado. Ademais está practicamente desaparecida dos Orzamentos Xerais do Estado, que unicamente recollen 0,5 M€ de investimento en 2023 e sen partida prevista en vindeiros anos. Por lo tanto, ni un solo tramo en servicio, ni en obras ni el licitación”.
Os populares de Foz lembran que a Xunta, nos peores anos da crise económica e cun gran esforzo orzamentario, investiu 100 M€ e puxo en servizo dous tramos da vía de altas prestacións da Costa Norte: a variante de Ortigueira e o tramo de Celeiro-San Cibrao, ambas cun investimento que rolda os 50 M€, 100 en total.
Castiñeira destaca que “a Xunta segue traballando para dar cumprimento ao plan abordado cos alcaldes de Ferrol, Ortegal e A Mariña para a mellora das comunicacións desta zona”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
