Estes eventos fan do concello unha referencia en todo o país
O Valadouro, venres 10 de febreiro 2023. O Concello de O Valadouro continúa este sábado coa celebración do mes gandeiro, unha iniciativa da concellería de Medio Rural á frente da que está o Tenente Alcalde e concelleiro de Cultura e Medio Rural, o nacionalista Eduardo Chao, que valorou moi positivamente a primeira das xornadas do mes gandeiro celebrada o pasado sábado 4 de febreiro coa IV Feira de Razas Autóctonas da Mariña e que terá continuación este sábado 11 con varias conferencias sobre o sector agrogandeiro no salón de actos da Casa da Cultura desde as 10:30 e tamén en horario de tarde. Así mesmo este sábado terá lugar o Concurso de Andadura ás 10:00, organizado por Puraga e a Asociación de Cabaleiros do Valadouro e no que se repartirán máis de 2.000€ en premios. O sábado 18 haberá a tradicional Feira de Gando, desde ás 10:00 ata as 18.00, na que se agardan numerosas transaccións e compraventa de gando vacún e cabalar. Haberá tamén máis de 1.000€ en premios.Desde a Tenencia de Alcaldía, Eduardo Chao anima a participar nas diferentes citas deste Mes Gandeiro que “está convertindo ao Valadouro na capital agrogandeira da Mariña e da provincia e é unha referencia xa en toda Galicia, así que animamos a toda a xente a vir e a disfrutar do Valadouro, dos nosos produtos e da nosa gastronomía nos diferentes locais de hostelería” afirmou. Manifestou tamén que “eventos coma estes que organizamos en febreiro e que terán continuidade en marzo co potentísimo Mercado da Primavera dinamizan a nosa economía e danlle valor aos nosos produtos e a un dos nosos principais recursos: o agro e a gandeiría”
“Benvido o anuncio de remodelación do colexio, ainda que sexa en época preelectoral e da man do candidato que cando foi alcalde non fixo nada por arranxalo”
Eduardo Chao tampouco quixo deixar pasar por alto o anuncio da remodelación do colexio de O Valadouro anunciada no día de ontes polo conselleiro Román Rodríguez, manifestando o seu agradecemento ao señor conselleiro, ao deputado Balseiro e ao candidato Lamelas: “moitas grazas aos tres, e dígoo como pai que tén os fillos no colexio e tamén como tenente alcalde do concello, e dígolles que máis vale tarde ca nunca, pois levamos anos sufrindo esas deficiencias, curiosamente xa cando o actual candidato do PP señor Lamelas era alcalde. Menos mal que se acordaron agora na precampaña electoral”
Eduardo Chao quixo recordarlle tamén aos tres que puideron aproveitar para anunciar o restablecemento do servizo de pediatria na vila, tal como demandaron en inumerables ocasións nais e pais de Alfoz e O Valadouro. E abondando máis en necesidades urxentes do Valadouro, Chao referíuse tamén a outro anuncio que poderían ter feito: outro incumprimento da Xunta co concello, o polígono industrial, tema co que o deputado Balseiro marxina e ningunea ao seu concello de nacemento.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
