O IES Perdouro celebra o 1º Día da Literatura cabo-verdiana

Farase unha lectura continuada do Chiquinho, no 75º Aniversario da súa publicación

Burela, 7 de febreiro, 2023. A biblioteca do IES Perdouro acolle este mércores, día 8 de febreiro, o acto de presentación da programación do 1º día da literatura cabo-verdiana. Nesta presentación participan Karina Parga, responsable da bilbioteca do instituto, Natalia Irimia (Equipo de Dinamización Linguística), Miruca Parga (Vicedirectora), Vanesa Vilaverde (Profesora de portugués) e Sandra Lopes e Luís Lopes (estudantes e membros da comisión organizadora).

As actividades, abertas a todo o público interesado, comezan nos próximos días 14 e 15 de febreiro, con dúas sesións de formación e animación á lectura que serán levadas a cabo en horario de tarde (das 16h ás 18h) na biblioteca do Perdouro.

No próximo día 14 de marzo será realizada a lectura do romance Chiquinho na biblioteca do Perdouro. Durante a xornada, cada participante vai ir lendo un fragmento de forma continuada. Para facilitar a participación de todas as persoas interesadas, será posible realizar a lectura através de tres modalidades diferentes: presencial, videoconferencia ou enviando un video gravado previamente.

A data límite para realizar a inscrición e participar nesta lectura será o próximo dia 17 de febreiro.