Viveiro, 13 de febreiro, 2023. “Sin ser xa ningunha novidade, María Loureiro e Bernardo Fraga volveron a collerse da man para evitar que saian adiante as propostas do BNG”, asegura a portavoz do BNG, Míriam Bermúdez, quen destaca os “4 anos de coalición entre POR VIVEIRO e PSOE.”
Nesta ocasión a inicitiva presentada pola portavoz do BNG, Míriam Bermúdez, trataba sobre o inicio dunha rede de Centros de Interpretación en Viveiro. Míriam expuxo uns poucos exemplos dos que poderían ser, sendo tal vez os menos falados, como son o da Industria Conserveira, Casa da Imprenta, Casa do Chocolate, Mina da Silvarosa e da Industria en xeral, aínda que non cabe dúbida de que a historia de Viveiro ofrece posibilidades infindas, foi por iso que o punto principal da moción non queria concretar nos tipos de centros a priorizar, senón que plantexaba o seguinte:
“Constituír unha Comisión Especial da que fagan parte todas as forzas políticas da Corporación Municipal e asociacións e/ou persoas particulares para estudar a creación de Centros de Interpretación do Patrimonio en Viveiro”.
Unha comisión para decidir entre todas as persoas alí presentes os centros de interpretación a executar, lugares máis axeitados, tipos de financiación, material do que se dispón, etc.
Máis este texto tan aberto e democrático, non foi suficiente para os portavoces do PSOE e POR VIVEIRO, María Loureiro e Bernardo Fraga, quenes conxuntamente e tal como fixeron en todo este mandato de cogoberno, votaron “coincidentemente” o mesmo.
Míriam Bermúdez non entende “que mal pode provocar esta iniciativa”,aínda así non puideron evitar que saise aprobada tras votar a oposición a favor da mesma. “Agardamos o cumplimento deste acordo plenario e comezar as reunións nas vindeiras semanas. Xa é hora de comezar a dignificar Viveiro”, rematou a concelleira do BNG.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
