Luís Bará afirma que o PP só constrúe auditorios nos concellos gobernados polo PP e reclama un fondo para financiar obras de construción e mellora mediante concorrencia competitiva
Para o deputado do BNG, este proceder semella unha maneira de gobernar “medieval” e unha utilización da Xunta para intereses do Partido popular e enunciou que o BNG seguirá denunciando estas irregularidades nos concellos, no Parlamento galego e ante a “Valedora do pobo”.
Na súa intervención, o nacionalista explicou que a Xunta asumiu o financiamento da construción de auditorios nas cidades galegas e no caso de concellos de menos de 50.000 habitantes, a través de cofinanciación mediante convenios de colaboración.
Nos últimos 5 anos a Xunta asinou varios convenios con concellos para a construción de auditorios municipais, entre os que destacou, Marín, Ribeira ou Begonte, sen embargo, mentres financiaba equipamentos culturais en concellos gobernados polo Partido popular, a Xunta, “ denegaba axudas para o mesmo tipo de infraestruturas demandadas polos concellos de: A Guarda, O Grove, Bueu ou Baralla”.
Para o deputado nacionalista, urxe acabar con estas prácticas “discriminatorias e caciquís,” que constatan “unha concepción medieval e predemocrática das institucións” utilizando fondos públicos con fins partidistas.
Tras a resposta da directora Xeral de Ordenación do Territorio e Urbanismo, Encarnación Rivas Díaz que xustificou as obras públicas nos diferentes concellos, o deputado do BNG recriminou á membro do goberno non rebater ningunha das acusacións formuladas e afeou a Rivas Díaz cinguirse á colaboración cos concellos ao que replicou, “só cos gobernados polo Partido popular” porque a “Xunta actúa como Xunta do Partido popular” transferindo fondos de maneira “arbitraria e partidista”.
O nacionalista lembrou que o día 21 de febreiro, hai un mes, en Lariño nunha visita de Alfonso Rueda tras destacar a súa relación co candidato popular en CEE, e afirmando que todo o “que pida para CEE teno concedido”, a frase confirma que CEE tiña as portas pechadas pero se agora o concello cambia de alcalde e “si votan a este señor que é amigo meu, o que faga falta”.
Esta maneira de actuar, recalcou Bará , corresponde a “un proceder feudal e patrimonial do uso do público”. Ademais, insistiu en que o PP mente en sede parlamentaria como fixo recentemente a conselleira ao afirmar que os proxectos eran produto das demandas dos propios concellos, porque iso, dixo, “é falso” e puxo como exemplo o caso de Ribeira cun proxecto financiado pola Xunta mediante un convenio no ano 2019 como vostede mesma recoñeceu hoxe nesta comisión.
Por outra parte, engadiu que concellos como Marín ou Ribeira son financiados pola súa poboación concorrendo a fondos europeos EDUSI complementando esta financiación coa Xunta, no caso de Ribeira con tres convenios, dous coa Consellería de Medioambiente e Marín con 2 millóns de euros paralizados durante os anos 2020 e 2021 porque non se iniciaron as obras.
O 27 de febreiro do 2021, a dirección xeral da que vostede é titular transmitiu ao alcalde de Bueu que non había fondos sen embargo, no mes de xuño do mesmo ano a Xunta comprometeu financiación para construír o auditorio de Baamonde en Begonte, e dicir, “non teñen fondos para algúns concellos pero tres meses despois, hai cartos para outros”, criticou.
Co concello de A Guarda todo foi diferente, no 2016 prodúcese unha reunión coa conselleira para pedir a construción dun auditorio e o concello aínda continúa agardando pola resposta. No mesmo ano, o concello de O Grove tamén solicitou a colaboración da Xunta e finalmente tivo que recorrer á Deputación de Pontevedra porque a “Xunta pechoulle a porta aos veciños de: A Guarda, Bueu, Moaña, O Grove, Trabada”. O goberno considera que nestes concellos se o PP non goberna “non teñen ningún dereito”.
O BNG propón blindar os fondos públicos para non incorrer en abuso
Finalmente, o deputado do BNG sinalou que para cambiar “estas prácticas discriminatorias” dende o BNG, “farémolo por lei” para que os fondos públicos non dependan dun uso partidista e un reparto como o que está a facer o PP. Blindaremos os fondos públicos para impedir o “abuso e discriminación” dos concellos para que non sexan sempre beneficiados os mesmos en función da forza que goberne na Xunta, concluíu.