Fixo un chamamento aos lucenses a que volvan ás salas de cine, “gozando dunha experiencia única ao tempo que apoian ao noso sector cultural”
Viveiro, 23 de febreiro de 2023. A subdelegada do Goberno en Lugo, Isabel Rodríguez, reiterou hoxe en Viveiro o sólido compromiso do Goberno de Pedro Sánchez co sector audiovisual, que se reflicte cos 96.000 euros en axudas que o Ministerio de Cultura destina para impulsar as salas de exhibición cinematográfica da provincia de Lugo. A subdelegada desprazouse este xoves aos Cines Viveiro, un dos establecementos beneficiarios das achegas estatais, e alí, acompañada da alcaldesa de Viveiro, María Loureiro, e do responsable da empresa que xestiona os cines, Alberto Fuentes, supervisou o apoio do Goberno á industria cultural.
Isabel Rodríguez recoñeceu que ante o panorama actual marcado polos novos hábitos de consumo da sociedade derivados, principalmente, do crecemento das plataformas dixitais “o apoio das institucións públicas ás salas de cine, sobre todo dos concellos pequenos como pode ser Viveiro, é fundamental para a supervivencia destas salas que son un importante axente dinamizador da vida e a oferta cultural das localidades”.
Deste xeito, a subdelegada avanzou que son 6 os cines da provincia que se benefician destas axudas procedentes do Instituto da Cinematografía e das Artes Audiovisuais (ICAA) que teñen como principal obxectivo garantir a súa actividade e superar os efectos da pandemia, “enmarcadas na aposta do Goberno de Pedro Sánchez por potenciar e acelerar a recuperación do tecido empresarial cinematográfico e audiovisual, sectores estratéxicos para a economía e a cultura do país”. Neste senso, lembrou que os Presupostos Xerais do Estado para este 2023 contemplan un aumento do 62,7% dos fondos para axudas a salas de cine, pasando de 65 a 106 millóns de euros.
Isabel Rodríguez aproveitou a visita para poñer en valor o traballo que desenvolven as salas de cine da provincia como Cines Viveiro, aos que felicitou pola súa capacidade e innovación e o seu esforzo por atraer os novos públicos cunha ampla programación, dotando ás 3 salas coas que conta de equipamento de última xeración como os proxectores láser, “conseguindo que os espectadores poidan gozar de sesións audiovisuais completas e de máxima calidade”.
Nesta liña, avanzou que o Goberno abrirá unha nova convocatoria do Bono Cultural Xove con axudas de 400 euros para os máis de 23.000 rapaces e rapazas galegos que este ano cumpren a maioría de idade. Deste xeito, animou a mocidade a solicitar estes vales para ir a cines como o de Viveiro, mercar en librarías, gozar de concertos en festivais ou adquirir videoxgos, entro outras posibilidades. Ao mesmo tempo, fixo un chamamento ás empresas da industria cultural da provincia a adherirse a este programa, como xa fixo Cines Viveiro, para que as persoas novas poidan investir estes cartos nos seus negocios e beneficiarse da inxección económica de máis de nove millóns de euros que supón está medida en Galicia.
Por último, Isabel Rodríguez fixo un chamamento aos veciños e veciñas da provincia a que volvan ás salas de cine, “gozando dunha experiencia única e incomparable ao tempo que apoian ao noso sector cultural”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
