Foz, 2 de febreiro de 2023. Hoxe, xoves, o alcalde de Foz, Fran Cajoto, e o concelleiro de Turismo, Jose María Linares, inauguraron a sala multiusos do centro de interpretación da Basílica de San Martiño de Mondoñedo que leva o nome do artista multisciplinar Juan Queralt Blanch, persoeiro moi recordado e querido na parroquia e moi vinculado a este lugar. Aquí pasou ós derradeiros 5 anos da súa vida, nos que dedicou a súa obra á imaxe de San Rosendo, bispo mindoniense no século X, cando a sede episcopal aínda estaba na parroquia focense.
Ademais de Fran Cajoto e Chema Linares, ao acto de hoxe asistiron Francisco Martínez García, que foi alcalde de Foz ata o 19 de abril de 1979, e a súa esposa. Tamén estiveron Suso de Breogán e Pablo Cid (Touche), que colaboraron nesta iniciativa.
O alcalde explica que “na sala atópanse seis lenzos de técnica mixta, da súa lamentablemente inacabada serie de oito, realizados entre o 2009 e o 2014, nos que se relata a vida e obra de Rudesindus, destacando os valores do bispo, representado como liberador de escravos. Nesta mesma sala traballaba sen descanso Juan Queralt para levar a cabo esta impoñente obra pictórico monumental que completaría o ciclo de San Rosendo co tríptico exposto en Celanova. A doenza non lle deixou rematar a planificación do total da súa obra pero deixou un grande impacto nesta sala, cos seis cadros de gran formato que aquí disfrutamos”.
E o concelleiro de Turismo indica: “co nomeamento desta sala Juan Queralt Blanch homenaxeámolo; e para que non se esqueza o seu legado inauguramos un panel coa súa imaxe e información relevante, incluso os recortes dalgunhas das noticias que a prensa publicaba, nos que se fala da súa implicación social e a súa paixón na educación en valores e o seu interese en achegar ás xuventudes mariñáns a obra e vida de San Rosendo. Con este pequeno xesto agradecemos a Queralt a súa implicación e amor á nosa terra”.
Chema Linares engade que no local inaugurado hoxe “hai tres paneis nos que podemos ver algunhas das fotos máis antigas sobre a Basílica, por exemplo de 1920. Nun segundo panel reprodúcense fotos de cando o cemiterio parroquial de San Martiño ocupaba o espazo contiguo ao adro na fachada norte, e un grupo de obreiros desmantelando o vello cemiterio no ano 1976. Alí estaban Emilio López (Emilio das Areeiras), Manuel Rodríguez (Calvario), Gonzalo Rodríguez (Zalo), José Luis Irimia (Lilí), José María Pérez (cura párroco de San Martiño) e José Antonio Eijo. Podemos ver tamén a retirada do antigo retablo de madeira, a inauguración destes traballos o 11 de novembro de 1976 nunha misa ofrecida polo sacerdote José María Díaz Fernández, ao seu lado Miguel Ángel Araujo Iglesias (bispo de Mondoñedo-Ferrol) e Francisco Martínez García, alcalde de Foz, escoitando o pregón de Álvaro Cunqueiro; entre outras fotos, como a da Rondalla Latexos no acto. Outro panel recolle a apertura do sartego do Bispo Santo en 1975, co obxecto de extraer fragmentos de ósos para realizarlles a proba do Carbono 14. Estiveron presentes nese acto Amando Araújo Iglesias (irmán do Bispo Miguel Ángel Araújo Iglesias), José Luis Irimia (Lilí), Manuel Rodríguez (Calvario, de costas á imaxe), e o cóengo Santos Sancristóbal Sebastián (fundador do museo de Arte Sacro de Mondoñedo, que non aparece na foto)”.
Para rematar o edil de Turismo salienta que “con esta actuación, na que destacamos a colaboración de Xesús de Breogán, rematamos unha mellora e ampliación do contido do centro de interpretación iniciada hai un ano con paneis das capelas norte e sur, dos canecillos da fachada sur e das lendas de San Gonzalo. O propio centro aporta valor a unha xoia sobre o románico como é a Basílica, que cada dia é máis coñecida e recibe máis visitantes e que é necesario potenciar e conservar”.
O centro de interpretación de San Martiño pódese visitar nestes días de
mércores a domingo en horario de 10:30 a 14:00 e de 16:00 a 19:00.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
