Ribadeo, 8 de febreiro de 2023. A Asociación de Comerciantes, Industriais, Servizos e Autónomos (ACISA) de Ribadeo inclúe unha nova actividade dentro da súa campaña de San Valentín para animar á veciñanza da zona a celebrar o Día dos Namorados na vila ribadense. Trátase dunha actuación da tuna de veteranos de Compostela (a Tuna do Camiño de Santiago), que percorrerá as rúas de Ribadeo onde hai establecementos hostaleiros asociados a ACISA este venres, 10 de febreiro, de 20:30 a 22:30 horas.
Para esta actividade ACISA Ribadeo conta coa colaboración da Xunta de Galicia. O xerente do colectivo empresarial ribadense, Jesús Pérez, comentou que “o que pretendemos é animar á veciñanza de Ribadeo e de toda a contorna a achegarse á nosa vila a celebrar o San Valentín, unha data que neste 2023 cae entre semana, de aí que pensaramos na posibilidade de poñer unha nota musical na noite deste vindeiro venres”.
Pérez Prada dixo que “ademais de deleitarnos co seu repertorio a Tuna do Camiño de Santiago tamén repartirá caraveis entre as namoradas e os namorados que atope no seu percorrido entre as oito e media da tarde e as dez e media da noite. Desde ACISA agradecémoslle á Xunta de Galicia a súa colaboración para poder contar con esta actuación en Ribadeo este venres, 10 de febreiro”.
A presidenta de Acisa, Carmen Cruzado, subliñou que “quixemos darlle unha volta ao Día dos Namorados en Ribadeo con esta actividade, contando coa presenza desta tuna de veteranos de Santiago de Compostela, que se une á campaña que xa iniciamos o pasado venres, día 3, e que se prolongará ata o 13 de febreiro no comercio de Ribadeo. Hai 8.000 papeletas que se están a distribuír estes días entre todas as persoas que fagan as súas compras nos negocios locais, entre as que se van sortear 11 ceas para dúas persoas cada unha e unha estancia de dúas noites nun aloxamento a escoller entre máis de 1.500 destinos. O sorteo será o 14 de febreiro nas instalacións de ACISA Ribadeo”.
As ceas serán nos restaurantes Galipizza, A Horta de San Roque, Don Buchi, La Solana, La Quinta, Javier Montero, El Rincón del Gordo, O Indiano, Queimada, San Miguel e Galicia. E a estancia de dúas noites nun aloxamento é unha colaboración de Viaxes Eroski. “A todos eles lles queremos agradecerlles a súa xentileza para poder desenvolver esta campaña de San Valentín”, engadiu Cruzado Iglesias.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
