Lugo, 10 de febreiro de 2023. A Xunta de Goberno de hoxe acordou interpoñer un recurso contencioso ante o Tribunal Superior de Justicia de Madrid contra a decisión do Ministerio de Transportes, Mobilidade e Axenda Urbana de desestimar os recursos que conxuntamente presentou a Deputación con outras administracións pola denominación oficial da ría de Ribadeo.
A voceira socialista do Goberno lembrou que se outorgou a toponimia de Ría del Eo a cooficialidade, “un feito que, como defenden os técnicos da institución provincial, vulnera a normativa reguladora da determinación dos topónimos oficiais”. “Dende a Deputación seguiremos defendendo neste proceso e sempre a denominación oficial de Ría de Ribadeo, fronte á pretensión da cooficialidade con Ría del Eo, porque carece de fundamentación técnica, xurídica e histórica”, recalcou a Deputada.
Aprobación de máis de medio millón de euros para novas obras e servizos en concellos da provincia
A Xunta de Goberno da Deputación de Lugo aprobou este venres un conxunto de investimentos que superan en total máis de medio millón de euros para novas obras e servizos en concellos da provincia que servirán para mellorar o día a día da veciñanza.
Así o anunciou a Voceira socialista do Goberno, Pilar García Porto, quen incidiu neste sentido en que a institución provincial converteuse nos últimos anos “nunha Administración fundamental para que os 67 concellos desta provincia presten máis e mellores servizos ós seus veciños e veciñas, resultando en moitos casos imprescindible para que poidan ofrecer as prestacións máis básicas”.
A Xunta de Goberno, explicou García Porto, aprobou unha achega de 230.000€ ao Concello de Pedrafita para a compra dun camión de recollida de residuos sólidos urbanos co fin de prestar un mellor servizo aos veciños e ás veciñas.
Tamén acordou destinar ao Concello de Meira 99.800€ para acondicionar o local Centro de Meira. “Ata fai poucos anos este sitio albergou o Bar Centro, na Praza Maior de Meira. Agora, converterase nun lugar onde se poderá desenvolver calquera actividade que teña como fin dinamizar a vida cultural desta localidade nun lugar estratéxico, pois a Praza Maior aglutina un alto porcentaxe da vida comercial desta comarca”, asegurou a Deputada.
Mellora dunha estrada en Xermade
Así mesmo, na sesión de hoxe aprobouse a licitación das obras para a rehabilitación do firme da estrada provincial LU-P-2201 ao seu paso polo núcleo urbano do concello de Xermade, entre os quilómetros 3,6 e 5,4. O investimento alcanza practicamente os 140.000€ e o prazo de execución será de 2 meses, unha vez comecen os traballos.
“Continuamos co importante esforzo que levamos realizando durante todo este mandato para mellorar a mobilidade nos máis de 4.200 quilómetros de estradas que ten a rede da Deputación, a máis extensa de España e tres veces maior ca da Xunta en Lugo”, detallou Pilar García Porto.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
