A Xunta de Goberno aprobou tamén a listaxe de entidades admitidas na terceira edición do programa de viaxes gratuítas Coñece a túa provincia que se celebrará en dúas quendas: na primavera e no outono
Lugo, 3 de febreiro de 2023. A Xunta de Goberno da Deputación de Lugo aprobou este venres un novo investimento de preto de 1,6M€ para seguir mellorando a rede de estradas provinciais. Así o anunciou a voceira socialista do Goberno, Pilar García Porto, que sinalou que os traballos afectarán a 7 vías nos concellos do Saviñao, Baleira, A Fonsagrada, Chantada, Carballedo, Castroverde e Pol.
En concreto, a institución provincial licitou no Saviñao, por preto de 200.000€, os traballos de mellora da LU-P-5802, que conecta Porto con Córneas polo Casar en algo máis de 3 quilómetros -entre os puntos quilométricos 6,485 e 8,025-; e do primeiro quilómetro da LU-P-5805, de Segán a San Vitorio.
Tamén se aprobou declarar de emerxencia a execución das obras necesarias para reparar 4 estradas que sufriron danos polo temporal de fortes choivas do pasado mes de xaneiro en Baleira, A Fonsagrada, Chantada e Carballedo.
A actuación que supón maior investimento afecta a dúas estradas provinciais ao seu paso polos concellos de Chantada e Carballedo. Son a LU-P-1801, de Chantada ós Peares, e a LU-P-1010, que vai hacia a presa dos Peares, no termo municipal de Carballedo. En conxunto, a Deputación dedica máis de 670.000€ para a súa reparación.
No caso de Baleira, a Deputación actuará na estrada que conecta Martín e Crende, a LU-P-0406 destinando máis de 129.000€ para acometer os traballos de sostemento da estrada e podela reabrir ao tráfico.
Na Fonsagrada arranxarase a LU-P-0408, que vai a Baleira por A Lastra, cun investimento de preto de 75.000€ para restaurar diferentes danos en varios puntos do seu trazado.
García Porto explicou que para a reparación destas catro estradas, “as empresas que se encargarán dos traballos son as que precisamente se ocupan da súa conservación”, un paso administrativo que “permítenos actuar coa máxima axilidade posible e iniciar as obras de inmediato para poñelas a disposición dos usuarios e usuarias no menor tempo que sexa posible”.
Adxudicadas tamén as obras no cinto comarcal que circunvala a contorna de Lugo, a LU-P-1611, á altura do límite entre os concellos de Castroverde e Pol. O proxecto consiste na construción dunha nova ponte sobre o río Azúmara e o acondicionamento do firme, e conta cun orzamento que supera o medio millón de euros: 510.997,46€. O prazo de execución é de 12 meses, unha vez iniciados os traballos.
Adxudicación directa de dúas parcelas no polígono dos Acivros
A Xunta de Goberno aprobou ademais a adxudicación directa de dúas parcelas no polígono industrial dos Acivros, en Chantada, por preto de 85.000€. Trátase da parcela 46, que conta con 1.305 metros cadrados e a parcela 47, con 1.338 metros cadrados.
Neste polígono, a Deputación xa ten vendidas un total de 35 parcelas, das 49 que eran de titularidade provincial. Agora mesmo quedan 5 dispoñibles -cunha superficie media de 1.000 metros cadrados cada unha- e hai outras 9 parcelas reservadas.
Plan Anual de Contratación 2023
Outro dos asuntos que saíu adiante na sesión semanal foi o Plan Anual de Contratación da Deputación de Lugo para este ano 2023, un documento de obrigada elaboración segundo establece a Lei de Contratos do Sector Público, que fai unha previsión estimativa dos procedementos de contratación de servizos, subministracións e obras que desenvolverá a institución provincial ó longo deste ano.
Este plan prevé que a Deputación sacará adiante neste ano contratos por un importe total de preto de 30M€, unha cifra, en todo caso, estimativa.
Terceira edición do Coñece a túa provincia
Aprobada na Xunta tamén a listaxe de entidades admitidas na terceira edición do programa Coñece a túa provincia da Deputación, que nesta terceira convocatoria ofrece un total de 3.036 prazas e que se celebrará novamente en dúas quendas: na primavera e no outono. En concreto, a institución provincial recibiu para o ano 2023 solicitudes de 216 colectivos, das cales foron admitidas 136 seguindo a orde de inscrición, tal e como sinalan as bases.
Ademais aceptáronse 77 entidades que entran na listaxe de agarda e tres solicitudes foron excluídas por non cumprir con algún dos apartados da convocatoria. A relación de todas as solicitudes -admitidas, en agarda e non admitidas- publicarase mañá no Boletín Oficial da Provincia.
Remanentes en Xove do Plan Único 2022
A Xunta sacou adiante a solicitude do Concello de Xove de destinar remanentes do Plan Único 2022 por un importe de case 20.000€ para a mellora e acondicionamento de viais de acceso ós lugares de Prada, Illade e Barxa, nas parroquias de Lago e Xuances.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
