Viveiro, 4 de febreiro de 2023. O Concello de Viveiro pon en valor o servizo que presta a Biblioteca Municipal como fonte de cultura e formación, con case 20.000 volumes, salas de lectura e de estudo, aula de informática e wifi gratuíta en todas as instalacións.
A incorporación de fondos é unha das prioridades, logrando no ano 2022 achegar 379 novos libros ata alcanzar a cifra dun fondo total de 19.445 exemplares. A este dato hai que sumarlle as 1.200 publicacións periódicas de xornais e revistas.
Dende a Concellaría de Cultura se reafirma día a día o seu compromiso con este centro, traballando non só na súa constante renovación de fondos, senón abrindo as súas portas a iniciativas, proxectos culturais, e subliñando o seu papel tamén como centro de estudo.
Neste último punto é clave a flexibilidade e amplitude de horarios, abrindo as súas portas de luns a venres, de 08:30 a 15:00 horas e de 16.30 a 20.30 horas, e os sábados de 10:00 a 14:00 horas. En verán o horario é de 08:00 a 15:00 horas de luns a venres.
“Son moitas as persoas que elixen cada día a Biblioteca Municipal para estudiar pola comodidade das súas instalacións e os servizos que ofrecemos”, subliña a alcaldesa, María Loureiro.
O actual edificio da Biblioteca Municipal, inaugurado o 27 de marzo de 2013, conta con espazos amplos e luminosos que chaman á lectura e ó lecer. Así o reflexan cifras como o importante incremento de usuarios no último ano, con 165 novas altas, o que fai que ata 2.151 veciños e veciñas de Viveiro conformen xa a comunidade de usuarios deste foco de cultura da vila.
A actividade é constante nunha biblioteca que superou os 5.400 préstamos de exemplares no 2022.
“Non podemos estar máis orgullosos destas cifras. Dende a Concellería de Cultura traballamos por ofrecer o mellor servizo á veciñanza, responder a todas as súas inquedanzas e necesidades, e nesta liña seguiremos porque entendemos que é un dos mellores xeitos de achegar á cultura a todas as casas da vila”, afirma Lara Fernández Fernández-Noriega, concelleira de Cultura.
O centro tamén alberga diversas exposicións de libros e serve de punto de encontro nas conmemoracións de datas tan sinaladas como o Día do Libro, o Día das Letras Galega, o Día das Escritoras, da Muller Traballadora, o Día Internacional da Muller a da Nena na Ciencia, da Poesía ou o Día do libro infantil.
“Tamén neste último ano levamos a cabo moitos obradoiros como o de “As mulleres que nos constrúen”, co obxectivo de unir a figura de Rosalía de Castro coa historia das orixes de cada persoa, ou o de bolsas con debuxos e textos de Florencio Delgado Gurriarán con motivo do Día das Letras Galegas”, recorda Lara Fernández Fernández-Noriega, quen tamén sinala o labor do Club de Lectura en Feminino “para poñer en valor a obra das mulleres escritoras”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
