Vitoria ante Gran Canaria FS e empate ante o Poio Pescamar FS na “Tarde Laranxa” de hoxe en Vista Alegre, acompañada dunha riquísima chocolatada
Burela, 15 de xaneiro, 2022. A “Tarde Laranxa” desta tarde en Vista Alegre foi o festival de fútbol sala que se esperaba, con case 700 espectadores de 16.30 a 21.00 da tarde, animando ao Pescados Rubén Burela FS masculino, ás 16.30 contra o Gran Canaria FS, e feminino ás 19.00 horas contra o Poio Pescamar FS.
Os “pícaros” abriron a tarde cun encontro no que se mostraron moi superiores ao equipo canario e leváronse os 3 puntos cun 6-3 final con bastante comodidade, a pesar da insistente presión exercida co porteiro-xogador do equipo de Suso Méndez. No minuto 3, David Pazos abre o marcador cun gol que anima ao seu equipo, que domina claramente todo o primeiro tempo. Despois dos primeiros cambios, Pitero anota o segundo gol no minuto 9 e o 3-0 chega cun gol de Nando no 10. No minuto 14 J. Chávez anota o 3-1 pero o equipo laranxa segue medrado e no 17 Antón Arnejo mete un golazo que pon o 4-1 co que chegará o descanso, a pesar do xogo a 5 do equipo canario que comeza xa antes da segunda parte. No minuto 3 da segunda parte Isma suma o 5-1 provocando que Suso Méndez recorra durante case todo o segundo tempo ao porteiro-xogador, conseguindo dous tantos, un de Jon no minuto 28 e outro de Daniel Mesa no 34, e co marcador 5-3, no minuto 36 Pazos pon o broche final co 6-3 co que remata o encontro. É o 13º encontro consecutivo sen coñecer a derrota do equipo de David Rial, que espera sumar o 14 a fin de semana que ven contral o Parrulo, co que van empatados a 31 puntos, ocupando o 2º e 3º posto na clasificación. O partido foi locutado no streaming, ademáis do habitual Miguel Albo, pola compañeira dos xogadores laranxas, capitana do equipo femenino e tamén xogadora da Selección Española, Peque, que desgraciadamente non puido disputar o encontro celebrado posteriormente contra o Poio.
Despois de desfrutar da vitoria do equipo masculino e unha boísima chocolatada no pavillón onde o Pescados Rubén xoga cada sábado en Burela, as “guerreiras” de Julio Delgado xogaron o derbi máis esperado da Primeira División de Fustal Feminino e que deu a talla esta tarde en Vista Alegre. Contra un Poio Pescamar FS que está demostrando moito esta tempada, o equipo laranxa xogou unha primeira parte na que lles custou encontrar o ritmo, a pesar do 1-0 de Cilene no minuto 3, non se mostraron cómodas, chegando ao descanso 1-2 no marcador despois dun gol de Elena Aragón no minuto 10 e outro de Luci no 18. Na segunda parte o Burela FS mostra máis continuidade, con máis ocasións de gol, catro de Emilly nos minutos 25, 29, 33 e 39 a portería vacía aproveitando as debilidades do xogo de cinco. Outra ocasión de Antía no 31 e unha clarísima de Cilene a 30 segundos de rematar o encontro. Moitas destas oportunidades vense frustradas por unha moi notable porteira do equipo pontevedrés. Ambos equipos recorren ao 5 para 4, algo ao que as nosas xogadoras non están moi habituadas, pero que resolveu ben a situación do partido véndose 1-3 no marcador e remontando 3-3 cun gol de Jenny no minuto 35 e outro de Dany no 36.
Agora ambos equipos se concentran xa no fin de semana que ven, que de novo xogan na casa e esperan que a súa Familia Laranxa acuda ao pavillón a animalxs de novo, o vernes contra o Parrulo de Ferrol por un lado, co que esta vez o equipo masculino se xoga o 2º posto da clasificación, e o sábado o feminino contra o Rayo Majadahonda que ven de ganar ao Marín na súa casa 1-3.
Ficha Técnica Pescados Rubén Burela FS – Gran Canaria FS:
Pescados Rubén Burela FS: M. Kaluza (P), Lucho, Pitero, Rikelme, David Pazos, – cinco inicial- Bruno Expósito, Isma, Nando, Alberto, Antón Arnejo, Eloy de Pablos, Bruno (P).
Gran Canaria FS: Asensio (P), Aithor, Orellana, Rober, J. Chávez – cinco inicial- C. Padilla, Ricky, Jon, Juanillo, Alex Resta, Martos, Cristian, Daniel Mesa, Abimael, Álvaro, Barranquero (P) y Mariano (P)
Goles: Min.3 David Pazos 1-0; Min.9 Pitero 2-0; Min.10 Nando 3-0; Min.14 J. Chávez 3-1; Min.17 Antón Arnejo 4-1; Min.23 Isma 5-1; Min.28 Jon 5-2; Min.34 Daniel Mesa 5-3; Min.36 David Pazos 6-3.
Equipo Arbitral: Cristian Cubero García, Luis Manuel Manso Martín, Daniel López López y Eva López Seijas.
Ficha Técnica Pescados Rubén Burela FS – Poio Pescamar FS:
Pescados Rubén Burela FS: Jozi (P), Cilene, Antía, Patricia, Emilly – cinco inicial- Dany, Claudia, Jenny, Dasha, Irene Samper, Masha, Sonya, Evelina (P)
Poio Pescamar FS: Sandra Buzón (P), Martita, Dani Sousa, Marta, Luci – cinco inicial- Laura Uña, Dupuy, Anna, Elena Aragón, Agostina, Irene, Rocío Gómez, Elena (P).
Goles: Min.3 Cilene 1-0; Min.10 Elena Aragón 1-1; Min.18 Luci 1-2; Min.26 Irene 1-3; Min.35 Jenny 2-3; Min.36 Dany 3-3.
Equipo Arbitral: Gael García Schmid, Daniel López López, Yago Seijas Piñeiro, María López López.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
