Ribadeo, 9 de xaneiro de 2023. Rematou o RibaXogo, o centro de ocio instalada no parque de San Francisco, e polo que pasaron arredor de 3.000 nenas e nenos este Nadal.
O concelleiro de Desenvolvemento Local, Pablo Vizoso, amosouse satisfeito pola acollida do RibaXogo: “estamos contentos coas cifras que nos deixa esta segunda edición do RibaXogo, que fixo as delicias das máis pequenas e dos máis pequenos da casa desde o pasado 23 de decembro e ata a xornada de onte, na que a entrada foi libre”.
O edil ribadense sinalou que “contamos no RibaXogo con diferentes tipos de atraccións, que se foron cambiando e actualizando durante estes días, para manter o interese por acudir a este centro de ocio situado no parque de San Francisco. Para conseguir as entradas simplemente había que consumir nos negocios de Ribadeo adheridos a esta campaña por un importe superior aos cinco euros”.
Vizoso Galdo indicou que “o obxectivo desta medida era dinamizar as compras nos negocios locais durante o Nadal e ofertar unha alternativa de ocio durante as vacacións para a rapazada de Ribadeo e da contorna. E penso que ambos obxectivos se cumpriron. O RibaXogo sumouse á programación deseñada polas Concellarías de Mocidade e de Cultura e da que gozaron moitas nenas e nenos estes días. Houbo deporte, houbo teatro, houbo obradoiros… un pouquiño de todo e moi variado”.
Desde Acisa a súa presidenta, Carmen Cruzado, dixo que “o RibaXogo foi un reclamo importante este Nadal en Ribadeo. Daba gusto pasear polas rúas e velas ateigadas de xente facendo as súas compras nos comercios locais e consumindo nos establecementos hostaleiros. Houbo animación musical coas panxoliñas que soaron durante todos estes días e que contribuíron, ao igual que a iluminación ornamental, a crear unha auténtica e típica estampa destas datas na nosa vila”.
Concello e Acisa coorganizaron a programación deste Nadal que acaba de rematar. “Aínda queda a XII Festa do Comercio, que terá lugar o vindeiro sábado, 14 de xaneiro, na carpa do parque de San Francisco”, engadiron.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
