Foz, 28 de xaneiro de 2023. A asociación O Noso Foz e o Concello presentaron hoxe, sábado, o cartel do Entroido focego, nun acto no que participaron o alcalde, Fran Cajoto; a concelleira de Cultura, Inés López Couto; e tres representantes de O Noso Foz: Angel Fernández, Fátima Novo e Erea Ben .
A asociación O Noso Foz e o Concello seguen traballando intensamente na organización dun Entroido 2023 que se espera espectacular. Despois dun pistoletazo de saída no mes de outubro coa elección da Raíña nun acto de escolla realizado no Campo da Cabana, chega febreiro con todos os eventos habituais nesta festa, que loita por ser nomeada Festa de Interese Turístico Galego.
O presidente de O Noso Foz, Ángel Fernández Neira, anuncia: “comezamos o día 11 coa cea de coroación, coa apertura de portas a partir das 21 horas na carpa situada na sala Bahía. Pola mañá comparsas e charangas de Foz amenizarán o mediodía”. Nesta edición a organización aumentou os metros cadrados de carpa dispoñibles, presentando unha disposición diferente a outros anos, cunha carpa principal con moita maior superficie. “Primamos a seguridade ante todo, por iso decidimos modificar a disposición das carpas, revisados coa empresa de prevención todos os pasos”, indica a concelleira de cultura. A coroación estará amenizada por disco-móbil Puzzle Animación e Dj Litainer.
O xoves 16 ás 19 horas será a inauguración da exposición do Entroido, este ano dedicada a Touporroutou, que estará situada no Cenima. Xa a partir das 21.30 horas, na sala Bahía, Afammer e a Asociación de Amas de Casa de Foz organizan a tradicional Cea de Comadres, que contará coa actuación do grupo D’Cano.
O venres 17 ás 20 horas no recinto da Sala Bahía será o pregón do Entroido, a cargo de Touporroutou Teatro e co tradicional concurso de coplas a continuación.
O día grande, o sábado 18, chegará o XLI Desfile do Entroido. “Abriremos ás 10 da mañá co chupinazo e a partir das 12 contaremos coa Charanga de Carmiña e a Batería de Cariño polas rúas da vila”, comenta Ines López Couto, quen continúa explicando: “voveremos a contar co graderío do porto, para todos aqueles que queiran ver sentados o desfile. Estará aberto a partir das 15.30 horas e nos vindeiros días avisaremos da venda das entradas.” O desfile comezará as 17 horas con máis de 8.000 euros en premios. Este ano por mor das obras na rúa das casas baratas realizarase un percorrido alternativo, que baixará pola rúa Corporacións e finalizará diante da praia da Rapadoira, na que haberá unha chocolatada para os participantes do desfile. Á partir das 23 horas a carpa do Bahía acollerá o gran baile do desfile, coa entrega dos premios a partir da 1.30 horas da madrugada. “Para o baile traemos os grupos Bomba e Los Coleguitas”, conta Ángel Fernández.
O domingo 19 será o día infantil e a carpa estará chea de inchables e xogos para os máis pequenos. Tamén será a entrega dos premios infantís. Estará amenizado polo Show das Pamisuky. Ás 20.30 horas, como xa é tradicional, o salón de actos do Colexio Martínez Otero acollerá o Touporroutou.
“Este ano esperamos un gran baile do farolillo, será o luns 20 de febreiro a partir das 23h no recinto do Bahía e estará amenizado pola orquestra Olympus e Dj Litainer”, explican Fátima Novo e Erea Ben, membros da comisión, que engaden: “os farolillos estarán á venda na mesma carpa. Esperamos ver moita xente facendo o plan por Foz”.
Finalmente o martes de Entroido, 21 de febreiro, a Asociación de Amas de Casa organiza o baile infantil, no recinto do Bahía con actividades e música. E o venres 24 ás 22 horas sairá do Campo da Cabana a comitiva fúnebre para a Queima do Entroido no recinto portuario.
O alcalde desexa “que a xente se disfrace e acuda aos diferentes actos que se organizan neste Entroido en Foz, que espera cos brazos abertos acoller a todos os que queiran participar, porque o Carnaval en Foz é algo máis ca unha festa. É un sentimento, algo que te atrapa. Hai que vivilo!”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
