O Voceiro lamenta esta situación de abandono e acusa ao PP “dunha falta total de mantemento das instalacións deportivas. Convidamos ao concelleiro de deportes a poñerse a traballar, algo que non fixo en todo o mandato”
Abadín, 19 de xaneiro de 2023. O Voceiro Socialista de Abadín, Pablo Díaz, emprazou hoxe ao Alcalde e a todo o seu Goberno “a arranxar de xeito urxente as goteiras do Pavillón Municipal da vila”. Advirte de que “a desidia e a incapacidade política do Alcalde fai que as nenas e nenos do concello non poidan xogar no polideportivo, nin que se poidan realizar actividades extraescolares, ou mesmo poidan xurdir iniciativas para a práctica de calquera disciplina deportiva”, nestas dependencias.
Os socialistas de Abadín explican que esta situación “vense sufrindo dende fai anos, e impide que se poidan desenvolver con normalidade as actividades deportivas no concello e, o que é un problema máis importante, pode supoñer un risco para a seguridade das nenas e nenos que practican deporte nesta instalación municipal”.
Hai que lembrar que hai un equipo federado de fútbol sala das nenas e nenos do CEIP Aquilino Iglesia Alvariño, “que por mor desta situación non pode xogar os seus partidos como local, no seu propio concello, tendo que desprazarse a concellos limítrofes, nin adestrar con normalidade”.
Pablo Díaz lamenta esta situación de abandono e acusa ao PP “dunha falta total de mantemento das instalacións deportivas. Dende aquí, convidamos ao concelleiro de deportes a poñerse a traballar, algo que non fixo en todo o mandato. Deben preocupase e ocuparse das nosas instalacións públicas, e non esperar a que pare de chover”, dixo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
