O delegado da Xunta, Javier Arias, explicou a Castiñeira, na reunión solicitada por este, en que momento se atopa o desenvolvemento dalgúns dos investimentos en execución ou proxectados no municipio, todos eles impulsados polo PP de Foz
Foz, 17 de xaneiro de 2023. A Administración autonómica confirma mes a mes o seu compromiso total co municipio de Foz. De novo, quedou claro na reunión mantida na maña de hoxe polo portavoz popular, Javier Castiñeira, co delegado da Xunta, Javier Arias, na que se abordaron algúns dos investimentos en marcha e outros proxectados, como son os correspondentes á depuradora de augas residuais (EDAR), ás melloras no IES e as obras de construción de beirarrúas en Cangas. Castiñeira pon en valor o esforzo da Xunta en Foz e lembra que os populares iniciaron as xestións que deron pé as actuais obras.
Castiñeira saíu “moi satisfeito da reunión co delegado da Xunta de Galicia, Javier Arias, despois dunha petición do PP de Foz para facer un seguimento das obras que se están a excutar ou que están proxectadas no noso concello, obras que xestionou dende un inicio o PP”. Explica: “Unha delas é a depuradora de augas residuais, cuxas obras se iniciarán nos próximos meses. E tamén son moi importantes as melloras no IES de Foz, por 1,2 millóns de euros, que se executan a raíz dunha moción do Partido Popular no pleno; estase traballando de forma coordinada coa comunidade educativa”.
O portavoz popular manifestou ao final da reunión: “Saímos tamén satisfeitos porque sobre outra petición que tiñamos feita para a parroquia de Cangas, que é continuar as beirarrúas no núcleo urbano, temos boas noticias; as obras iniciaranse nas próximas semanas”. Castiñeira lembra que esta obra foi solicitada pola asociación de veciños de Cangas nunha das reunión que mantivo co grupo municipal popular.
Para os populares está claro que “o compromiso da Xunta con Foz é total e absoluto”. Castiñeira anuncia que “o Partido Popular seguirá facendo o seu traballo, en positivo, neste caso dende a oposición, continuando o labor que fixemos dende o goberno local nos anteriores oito anos”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
