Os populares urxen ao goberno local a cumprimento ás sentenzas xudiciais sobre a unidade de actuación de Torrentes, aprobar os informes da reparcelación e a liquidación con efectos retroactivos”
Burela, 31 de xaneiro de 2023. O Grupo Municipal Popular de Burela urxe ao Concello a elaborar un proxecto cunha alternativa para sacar o tráfico pesado das rúas do centro da vila e a dar cumprimento, antes do vindeiro pleno ordinario, ás sentenzas xudiciais sobre a unidade de actuación de Torrentes.
O portavoz e presidente do PP local, Manuel Rouco, cre que “o máis aconsellable é que o tráfico pesado non atravese o casco urbano de Burela” porque “contribuiría a favorecer unha maior fluidez para o resto do tráfico e a aumentar a seguridade dos veciños e veciñas da vila”.
Os populares sinalan que “o tráfico de vehículos pesados que transportan madeira cara ao porto de Burela, onde é almacenada de forma temporal ata ser transportada por mar pasa, en moitos casos atravesa o casco urbano da vila”. E, así mesmo, engaden que “coa posta en funcionamento da mina de caolín, moi probablemente a finais deste ano ou a comezos do seguinte, fai pensar que tamén se empregue o porto de Burela para darlle saída ao produto extraído do monte Castelo”.
A iniciativa que os populares defenderán no pleno deste xoves recolle a elaboración do proxecto e, dada a necesidade urxente, que sexa realizado antes do vindeiro pleno ordinario. Así mesmo, propoñen que sexa remitido ás Administracións con competencias nas estradas afectadas e instalas a que tramiten a alternativa proxectada de forma urxente.
REPARCELACIÓN DE TORRENTES
Os populares consideran que “o goberno local debe poñer ao día a situación de Torrentes”; especialmente tralas inquedanzas dos veciños e veciñas que teñen propiedades nesa zona e que veñen de recibir comunicación por parte do Concello.
O portavoz popular, Manuel Rouco, urxe polo tanto ao goberno local a “aprobar o informe técnico previo á aprobación definitiva do proxecto de reparcelación da unidade de actuación de Torrentes, tal e como marca a Lei do Solo de Galicia do ano 2016”.
O Grupo Municipal Popular tamén recolle na súa proposta que “o Concello aprobe a liquidación definitiva da unidade de actuación de Torrentes para dar cumprimento de forma efectiva ás sentenzas 1005/2014 e 0081/2012 do Tribunal Superior de Xustiza de Galicia”. Os populares puntualizan, ademais, que “a aprobación debe ter efectos retroactivos para convalidar os diferentes actos administrativos sinalados no informe de Secretaría do 6 de xuño de 2017”.
ALTERNATIVA AO ACTUAL GOBERNO
Rouco: “Somos a formación que, unha vez máis, leva máis iniciativas ao pleno para afrontar o futuro inmediato da nosa vila; ademais de ser a única que segue a fiscalizar con rigor as accións do goberno socialista local, converténdose na única alternativa real ao actual goberno de Burela”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
